យោងតាមការចុះផ្សាយពីសារព័ត៌មានបរទេសផ្នែកសុខភាព បានបង្ហាញឱ្យដឹងនូវរបកគំហើញមួយថា ផ្លែប៉េងប៉ោះបៃតង គឺជាប្រភពនៃសារធាតុចិញ្ចឹមដ៏មានឥទ្ធិពលក្នុងការប្រយុទ្ធប្រឆាំងនឹងជំងឺមហារីក។ នៅក្នុងប៉េងប៉ោះដែលមិនទាន់ទុំទាំងនេះ មានផ្ទុកនូវសារធាតុ Tomatine ដែលជាសមាសធាតុប្រឆាំងអុកស៊ីតកម្មដ៏ពិសេស មានសមត្ថភាពខ្ពស់ក្នុងការកម្ចាត់កោសិកាមហារីក និងទប់ស្កាត់មិនឱ្យកោសិកាអាក្រក់ទាំងនោះអាចលូតលាស់ ឬរីករាលដាលនៅក្នុងរាងកាយបានឡើយ។
ក្រៅពីសមត្ថភាពការពាររាងកាយពីជំងឺមហារីកប្រភេទផ្សេងៗ ដូចជាមហារីកសុដន់ ថ្លើម និងសួត ផ្លែប៉េងប៉ោះបៃតងក៏ផ្ដល់នូវវីតាមីន និងជាតិរ៉ែចាំបាច់ជាច្រើន ដែលជួយពង្រឹងប្រព័ន្ធការពាររាងកាយឱ្យកាន់តែរឹងមាំពីខាងក្នុង។
ការបន្ថែមផ្លែប៉េងប៉ោះបៃតងទៅក្នុងរបបអាហារប្រចាំថ្ងៃ មិនថាជាការយកមកធ្វើជាគ្រឿងផ្សំក្នុងមុខម្ហូប ឬសាឡាត់នោះទេ គឺជាវិធីសាស្ត្រដ៏វៃឆ្លាតមួយក្នុងការថែរក្សាសុខភាព និងការពាររាងកាយពីជំងឺកាចសាហាវទាំងឡាយយ៉ាងមានប្រសិទ្ធភាព។
ការប្រុងប្រយ័ត្ន!
ព័ត៌មាននេះគ្រាន់តែជាចំណេះដឹងទូទៅប៉ុណ្ណោះ។ បើសិនជាអ្នកមានបញ្ហាសុខភាពមិនប្រក្រតីណាមួយ សូមមេត្តាទៅជួបពិគ្រោះជាមួយគ្រូពេទ្យជំនាញ ដើម្បីទទួលបានការធ្វើរោគវិនិច្ឆ័យ និងការព្យាបាលត្រឹមត្រូវ៕