យោងតាមការចុះផ្សាយពីសារព័ត៌មានបរទេសផ្នែកសុខភាព បានបង្ហាញឱ្យដឹងថា ការទទួលទានដំឡូងស្វាយជាទៀងទាត់ មិនត្រឹមតែផ្ដល់នូវរសជាតិឆ្ងាញ់ពិសាប៉ុណ្ណោះទេ ប៉ុន្តែវាគឺជា “ខែលការពារ” ដ៏រឹងមាំសម្រាប់ប្រព័ន្ធផ្លូវដង្ហើម។
សារធាតុចិញ្ចឹមដ៏សម្បូរបែបដែលមាននៅក្នុងដំឡូងស្វាយ មានសមត្ថភាពខ្ពស់ក្នុងការពង្រឹងមុខងារសួត និងការពាររាងកាយពីជំងឺផ្លូវដង្ហើមផ្សេងៗ ជាពិសេសវាត្រូវបានគេរកឃើញថាមានប្រសិទ្ធភាពខ្ពស់ក្នុងការទប់ស្កាត់ការលាប់ឡើងវិញនៃជំងឺហឺត ដែលជាដំណឹងល្អសម្រាប់អ្នកដែលមានបញ្ហាដង្ហើមរ៉ាំរ៉ៃ។
លើសពីនេះទៅទៀត ពណ៌ស្វាយពីធម្មជាតិរបស់ដំឡូងប្រភេទនេះ គឺជាប្រភពនៃសារធាតុប្រឆាំងអុកស៊ីតកម្មដ៏មានឥទ្ធិពល ដែលជួយកាត់បន្ថយការរលាកផ្សេងៗក្នុងរាងកាយយ៉ាងមានប្រសិទ្ធភាព។
ដើម្បីទទួលបានអត្ថប្រយោជន៍ពេញលេញសម្រាប់សុខភាពសួត និងផ្លូវដង្ហើម អ្នកជំនាញបានណែនាំឱ្យជ្រើសរើសយកដំឡូងស្វាយមកស្ងោរ ឬចំហុយសម្រាប់ធ្វើជាអាហារសម្រន់ប្រចាំថ្ងៃ ដែលវាជាវិធីសាស្ត្រដ៏សាមញ្ញ និងមានសុខភាពល្អបំផុតសម្រាប់រាងកាយ។
ការប្រុងប្រយ័ត្ន!
ព័ត៌មាននេះគ្រាន់តែជាចំណេះដឹងទូទៅប៉ុណ្ណោះ។ បើសិនជាអ្នកមានបញ្ហាសុខភាពមិនប្រក្រតីណាមួយ សូមមេត្តាទៅជួបពិគ្រោះជាមួយគ្រូពេទ្យជំនាញ ដើម្បីទទួលបានការធ្វើរោគវិនិច្ឆ័យ និងការព្យាបាលត្រឹមត្រូវ៕