យោងតាមការចុះផ្សាយពីសារព័ត៌មានបរទេសនាពេលថ្មីៗនេះ បានរកឃើញរបកគំហើញគួរឱ្យចាប់អារម្មណ៍ថា ជាតិកាហ្វេអ៊ីន ដែលមាននៅក្នុងកាហ្វេ មិនត្រឹមតែជួយឱ្យស្មារតីស្រស់ស្រាយ និងស្វាងពីភាពងងុយដេកប៉ុណ្ណោះទេ ប៉ុន្តែវាក៏ជាកាតាលីករយ៉ាងសំខាន់ក្នុងការជួយសម្រកទម្ងន់ផងដែរ។
ជាតិកាហ្វេអ៊ីនមានសមត្ថភាពពិសេសក្នុងការជំរុញដល់កោសិកាខ្លាញ់ដោយផ្ទាល់ ដើម្បីឱ្យពួកវាធ្វើការបំបែកជាតិខ្លាញ់ដែលស្តុកទុកក្នុងរាងកាយឱ្យទៅជាថាមពល។
ទន្ទឹមនឹងការបំបែកកោសិកាខ្លាញ់ ជាតិកាហ្វេអ៊ីនក៏បានដើរតួយ៉ាងសកម្មក្នុងការបង្កើនល្បឿននៃប្រព័ន្ធមេតាប៉ូលីស ដែលធ្វើឱ្យរាងកាយអាចដុតបំផ្លាញកាឡូរី និងថាមពលបានកាន់តែប្រសើរជាងមុន។
ទោះជាយ៉ាងណាក៏ដោយ ដើម្បីទទួលបានអត្ថប្រយោជន៍ខ្ពស់ចំពោះសុខភាព និងរូបរាង អ្នកជំនាញបានផ្ដល់ជាការបញ្ជាក់ថា លោកអ្នកគួរទទួលទានកាហ្វេក្នុងកម្រិតសមល្មម និងជៀសវាងការបន្ថែមជាតិស្ករ ឬទឹកដោះគោច្រើនជ្រុល ដែលអាចធ្វើឱ្យបាត់បង់ប្រសិទ្ធភាពនៃការដុតរំលាយជាតិខ្លាញ់នេះ។
ការប្រុងប្រយ័ត្ន!
ព័ត៌មាននេះគ្រាន់តែជាចំណេះដឹងទូទៅប៉ុណ្ណោះ។ បើសិនជាអ្នកមានបញ្ហាសុខភាពមិនប្រក្រតីណាមួយ សូមមេត្តាទៅជួបពិគ្រោះជាមួយគ្រូពេទ្យជំនាញ ដើម្បីទទួលបានការធ្វើរោគវិនិច្ឆ័យ និងការព្យាបាលត្រឹមត្រូវ៕