យោងតាមការផ្សាយរបស់សារព័ត៌មានបរទេស បានឱ្យដឹងថា ផ្លែត្រប់វែង ដើរតួនាទីយ៉ាងសំខាន់ក្នុងការ បន្សាបជាតិពុល និងកម្ចាត់សារធាតុគ្រោះថ្នាក់ចេញពីរាងកាយ។
តួនាទីបន្សាបជាតិពុលរបស់ត្រប់វែង៖
ជំរុញសកម្មភាពអង់ស៊ីមបន្សាបជាតិពុល:
- ការស្រាវជ្រាវតាមរយៈមន្ទីរពិសោធន៍បានបង្ហាញថា ត្រប់វែងអាចជួយ ជំរុញការធ្វើសកម្មភាពរបស់អង់ស៊ីម ដែលមានតួនាទីកម្ចាត់ជាតិពុល និងបន្សាបសារធាតុគីមីពុលចេញពីរាងកាយ។
សារធាតុ Nasunin កម្ចាត់ដែកលើស និងរ៉ាឌីកាល់សេរី:
- ត្រប់វែងមានផ្ទុកនូវសមាសធាតុ Nasunin។ សារធាតុនេះមិនត្រឹមតែជាអ្នកបោសសម្អាត រ៉ាឌីកាល់សេរី ដ៏មានថាមពលប៉ុណ្ណោះទេ តែវាក៏ជួយ កម្ចាត់ជាតិដែកលើស ចេញពីក្នុងរាងកាយផងដែរ។
ការពារពីជំងឺគ្រោះថ្នាក់:
- ការលើសជាតិដែកអាចបណ្តាលឱ្យចំនួនរ៉ាឌីកាល់សេរីកើនឡើងខ្ពស់។ រ៉ាឌីកាល់សេរីកើនខ្ពស់គឺជាប់ពាក់ព័ន្ធនឹងកំណើន ហានិភ័យពីជំងឺមហារីក និងជំងឺបេះដូង។ ដូច្នេះ សារធាតុ Nasunin ជួយកាត់បន្ថយហានិភ័យទាំងនេះ។
ការប្រុងប្រយ័ត្ន!
ព័ត៌មាននេះគ្រាន់តែជាចំណេះដឹងទូទៅប៉ុណ្ណោះ។ បើសិនជាអ្នកមានបញ្ហាសុខភាពមិនប្រក្រតីណាមួយ សូមមេត្តាទៅជួបពិគ្រោះជាមួយគ្រូពេទ្យជំនាញ ដើម្បីទទួលបានការធ្វើរោគវិនិច្ឆ័យ និងការព្យាបាលត្រឹមត្រូវ៕