យោងតាមការសិក្សាស្រាវជ្រាវពីបរទេស ផ្លែ ក្រូច មិនត្រឹមតែផ្ដល់ភាពស្រស់ស្រាយប៉ុណ្ណោះទេ ថែមទាំងជាជំនួយដ៏សំខាន់ក្នុងការ កាត់បន្ថយកម្រិតកូឡេស្តេរ៉ូលអាក្រក់ ក្នុងឈាមផងដែរ។
តួនាទីសំខាន់របស់ក្រូចក្នុងការថែរក្សាបេះដូង៖
កម្ចាត់កូឡេស្តេរ៉ូលអាក្រក់:
- ក្រូចសម្បូរដោយ ជាតិសរសៃ ដែលអាចរលាយក្នុងទឹក។ ជាតិសរសៃនេះជួយ ចាប់យកកូលេស្តេរ៉ូល នៅក្នុងប្រព័ន្ធរំលាយអាហារ មុននឹងវាត្រូវបានស្រូបចូលក្នុងចរន្តឈាម។
សារធាតុប្រឆាំងអុកស៊ីតកម្ម:
- វាផ្ទុកនូវ វីតាមីន C និង សារធាតុប្រឆាំងអុកស៊ីតកម្ម ដ៏សម្បូរបែប ដែលជួយការពារកោសិកា និងទប់ស្កាត់ការកកើតឡើងនៃកូលេស្តេរ៉ូលអាក្រក់។
គ្រប់គ្រងសម្ពាធឈាម:
- ក្រូចមានផ្ទុក ប៉ូតាស្យូម ខ្ពស់ ដែលជួយដល់ការគ្រប់គ្រងសម្ពាធឈាម និងរក្សាចង្វាក់បេះដូងឱ្យដំណើរការល្អ។
សុខភាពសរសៃឈាម៖
- វីតាមីនដូចជា ហ្វូឡាត និង វីតាមីន B1 រួមចំណែកដល់សុខភាពសរសៃឈាមទាំងមូល។
ការប្រុងប្រយ័ត្ន!
ព័ត៌មាននេះគ្រាន់តែជាចំណេះដឹងទូទៅប៉ុណ្ណោះ។ បើសិនជាអ្នកមានបញ្ហាសុខភាពមិនប្រក្រតីណាមួយ សូមមេត្តាទៅជួបពិគ្រោះជាមួយគ្រូពេទ្យជំនាញ ដើម្បីទទួលបានការធ្វើរោគវិនិច្ឆ័យ និងការព្យាបាលត្រឹមត្រូវ៕