ការដុះខ្លាញ់ក្បាលពោះមិនគ្រាន់តែជាបញ្ហាទេ តែវាក៏មើលទៅអាក្រក់មើលដែរ។ តាមពិតទៅ ការដែលមានខ្លាញ់ដុះច្រើននៅពោះ មានជាប់ទាក់ទងនឹងជំងឺជាច្រើនដូចជា ជំងឺទឹកនោមផ្អែមប្រភេទទី២ និងជំងឺបេះដូងជាដើម។ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)ហេតុដូច្នេះហើយ ការសម្រកខ្លាញ់ក្បាលពោះមានប្រយោជន៍ច្រើនណាស់ចំពោះសុខភាព ហើយក៏អាចជួយឲ្យអាយុវែងដែរ។ ជាធម្មតា ខ្លាញ់ក្បាលពោះត្រូវបានគេវាស់ជារង្វង់ជុំវិញចង្កេះ។ ក្នុងករណីដែលបុរសមានរង្វាស់ចង្កេះធំជាង ១០២សង់ទីម៉ែត្រ និងស្រ្តី ៨៨សង់ទីម៉ែត្រ មានន័យថា ជាការធាត់ដុះក្បាលពោះជ្រុលហើយ។
សំណាងដែរ ខ្ញុំមានវិធីសាស្រ្តមួយដែលអ្នកអាចធ្វើបាន ហើយវាក៏ត្រូវបានគេបង្ហាញថា អាចជួយរំលាយខ្លាញ់ក្បាលពោះបានយ៉ាងល្អ រហូតរៀបស្មើស្អាតទៀតផង នោះគឺជាការមិនញ៉ាំផ្អែម និងចៀសវាងភេសជ្ជៈដែលមានជាតិផ្អែម។
ការសិក្សាបានបង្ហាញថា ការញ៉ាំផ្អែមមានឥទ្ធិពលគ្រោះថ្នាក់ពិសេសតែម្តងចំពោះសុខភាពនៃការរំលាយអាហារ។ ស្ករចូលទៅក្នុងខ្លួន វានឹងត្រូវបានថ្លើមរំលាយ។ នៅពេលអ្នកញ៉ាំអាហារថែមស្ករច្រើន ថ្លើមនឹងធ្វើការច្រើនជ្រុល ហើយក៏អាចបង្ខំការរំលាយជាតិផ្អែមនោះទៅជាខ្លាញ់វិញ។
ការសិក្សាជាច្រើនបានបង្ហាញថា ការញ៉ាំផ្អែមច្រើនពេក អាចនាំឲ្យកើនឡើងជាតិខ្លាញ់ក្នុងថ្លើម និងក្បាលពោះបាន។ អ្នកខ្លះជឿថា រឿងនេះគឺជាការរំលាយអាហារដំបូងមួយនៅពីក្រោយឥទ្ធិពលគ្រោះថ្នាក់របស់ជាតិផ្អែមចំពោះសុខភាពមនុស្សយើង។ វាបង្កើនខ្លាញ់ក្បាលពោះ និងខ្លាញ់ក្នុងថ្លើម ដែលរឿងនេះអាចនាំឲ្យស៊ាំនឹងអាំងស៊ុយលីន និងបង្កជាបញ្ហានៃការរំលាយអាហារទៀត។
ការសិក្សាបានបង្ហាញថា ភេសជ្ជៈមានជាតិផ្អែម មានជាប់ទាក់ទងនឹងការប្រឈមនឹងធាត់ជ្រុលលើកុមាររហូតដល់ ៦០ភាគរយ នៅពេលគេញ៉ាំរាល់ថ្ងៃ។ ដូច្នេះ ចូរធ្វើការសម្រេចចិត្តដើម្បីបន្ថយចំនួនជាតិផ្អែមក្នុងអាហារ និងពិចារនាទៅលើការបំបាត់ភេសជ្ជៈផ្អែមៗឲ្យអស់តែម្តងទៅ។ រឿងនេះគួរតែរាប់បញ្ចូលទាំង ទឹកក្រូចកំប៉ុង ទឹកផ្លែឈើ និងភេសជ្ជៈកីឡាមានជាតិផ្អែមខ្ពស់ទាំងអស់។
ប៉ុន្តែចូរចាំថា អ្វីដែលនិយាយខាងលើនេះមិនចង់សម្តៅទៅលើផ្លែឈើឡើយ ព្រោះវាជាអាហារដែលផ្តល់សុខភាពបំផុត ហើយក៏មានជាតិសរសៃច្រើនសម្រាប់ផ្តល់ភាពវិជ្ជមានដល់រាងកាយផង។(អាន:ថ្នាំងងុយគេង ពេលអ្នកគួរប្រើ) ចំនួនជាតិ Fructose ដែលបានមកពីផ្លែឈើគឺល្អជាងអ្វីដែលទទួលបានពីអាហារមានជាតិផ្អែមកៃឆ្នៃ៕