ប្រូតេអ៊ីនអាចរកបានទាំងនៅក្នុង សាច់សត្វ និងរុក្ខជាតិ ។ ប្រសិនបើអ្នកចង់សម្រកទម្ងន់ ឬកសាងសាច់ដុំ ការជ្រើសរើសប្រភេទប្រូតេអ៊ីន ដែលត្រឹមត្រូវ គឺពិតជាសំខាន់ណាស់។
ខាងក្រោមនេះ គឺជាប្រភពប្រូតេអ៊ីនសំខាន់ៗដែលអ្នកគួរដឹង ៖
១. ប្រូតេអ៊ីនបានមកពីសាច់សត្វ
ពពួកសាច់សត្វផ្តល់នូវ “ប្រូតេអ៊ីនពេញលេញ” (Complete Protein) ដែលរាងកាយត្រូវការ៖
-ស៊ុត (Eggs): ជាប្រភពប្រូតេអ៊ីនដែលមានតម្លៃថោក និងងាយរកបំផុត។
–សាច់ទ្រូងមាន់ (Chicken Breast): នេះជាអាហារដែលអ្នកហាត់ប្រាណ និងអ្នកសម្រកគីឡូចូលចិត្តបំផុត ព្រោះវាសម្បូរប្រូតេអ៊ីនខ្ពស់ខ្លាំង តែមានខ្លាញ់ទាបបំផុត។
-ត្រី និងគ្រឿងសមុទ្រ: ត្រីធូណា, ត្រីសាម៉ុង, បង្គា និងត្រីទន្លេ។ ពួកវាសម្បូរប្រូតេអ៊ីន និងខ្លាញ់ Omega-3 ដែលល្អសម្រាប់ខួរក្បាល។
-សាច់គោ (សាច់សុទ្ធ): សាច់គោផ្តល់ជាតិដែក និងវីតាមីន B12 ប៉ុន្តែគួរជ្រើសរើសសាច់ក្រហមដែលមិនជាប់ខ្លាញ់ច្រើន។
២. ប្រូតេអ៊ីនបានមកពីរុក្ខជាតិ (ល្អសម្រាប់សុខភាព និងអ្នកបួស)
សម្រាប់អ្នកដែលមិនសូវចូលចិត្តសាច់ ឬចង់កាត់បន្ថយខ្លាញ់សត្វ អាចញ៉ាំពពួកនេះជំនួសបាន៖
-តៅហ៊ូ និងសណ្តែកសៀង (Tofu & Soybeans): ជាប្រភពប្រូតេអ៊ីនរុក្ខជាតិដ៏ល្អបំផុត។ ទឹកសណ្តែកក៏ជាជម្រើសល្អដែរ (តែប្រយ័ត្នជាតិស្ករ)។
-ពពួកសណ្តែកគ្រាប់ (Beans & Lentils): សណ្តែកក្រហម, សណ្តែកខ្មៅ, សណ្តែកបាយ។ វាក៏សម្បូរទៅដោយកាកសរសៃ (Fiber) ផងដែរ។
-គ្រាប់ធញ្ញជាតិ (Nuts & Seeds): គ្រាប់អាល់ម៉ុន (Almonds), សណ្តែកដី, គ្រាប់ជី (Chia seeds), និងគ្រាប់រីករាយ។
–គ្រាប់អូត (Oats): ក្រៅពីកាកសរសៃ វាក៏មានប្រូតេអ៊ីនល្មមគួរសមដែរ។
៣. ផលិតផលធ្វើពីទឹកដោះគោ
-យ៉ាអួ (Greek Yogurt): មានប្រូតេអ៊ីនខ្ពស់ជាងយ៉ាអួធម្មតា។
-ទឹកដោះគោ: ទឹកដោះគោស្រស់សម្បូរប្រូតេអ៊ីន និងកាល់ស្យូម។