យោងតាមការស្រាវជ្រាវថ្មីៗពីសារព័ត៌មានបរទេស បានបង្ហាញថា ផ្លែទទឹមមិនត្រឹមតែមានរសជាតិឆ្ងាញ់ទេ តែថែមទាំងមានសមត្ថភាពពិសេសក្នុងការជួយកាត់បន្ថយជំងឺលើសឈាមទៀតផង។
ផ្លែទទឹមគឺជាឃ្លាំងផ្ទុកទៅដោយសារធាតុប្រឆាំងអុកស៊ីតកម្មកម្រិតខ្ពស់។ អ្នកវិទ្យាសាស្ត្របានរកឃើញថា សារធាតុទាំងនេះដើរតួនាទីសំខាន់ក្នុងការជួយកាត់បន្ថយសម្ពាធឈាមឲ្យមានលក្ខណៈធម្មតាឡើងវិញដោយជោគជ័យ។
តើគួរទទួលទានបរិមាណប៉ុន្មាន?
ផ្អែកលើលទ្ធផលនៃការសិក្សាមួយ បានបង្ហាញឲ្យដឹងថា ដើម្បីឲ្យការព្យាបាលមានប្រសិទ្ធភាព អ្នកដែលទទួលរងពីជំងឺលើសឈាម ត្រូវទទួលទានទឹកផ្លែទទឹមក្នុងបរិមាណយ៉ាងតិច៖
- ២៤០ មិល្លីលីត្រ ក្នុងមួយថ្ងៃ (ប្រហែលស្មើនឹងមួយកែវធំ)។
ការទទួលទានជាប្រចាំនឹងជួយឲ្យឃើញលទ្ធផលវិជ្ជមានក្នុងការគ្រប់គ្រងសម្ពាធឈាម។ ដូច្នេះ ក្រៅពីការប្រើប្រាស់ថ្នាំពេទ្យតាមវេជ្ជបញ្ជា អ្នកអាចបន្ថែមផ្លែទទឹមជាផ្នែកមួយនៃរបបអាហារប្រចាំថ្ងៃរបស់អ្នកដើម្បីសុខភាពបេះដូងកាន់តែល្អ៕