សម្រាប់អ្នកជំងឺខ្សោយតម្រងនោមកម្រិតធ្ងន់ការបរិភោគអាហារត្រឹមត្រូវ គឺជាផ្នែកដ៏សំខាន់នៃការព្យាបាល ដែលអាចជួយថែរក្សាសុខភាព និងកាត់បន្ថយគ្រោះថ្នាក់ប្រឈមផ្សេងៗ។ យោងតាមការណែនាំពី មន្ទីរពេទ្យកាល់ម៉ែត បានបង្ហាញពីរបបអាហារដែលសមស្រប៖
របបអាហារត្រឹមត្រូវសម្រាប់គាំទ្រតម្រងនោម
ការប្រើប្រាស់ថ្នាំសម្រាប់ព្យាបាលតែមួយមុខ មិនគ្រប់គ្រាន់ទេ។ ការបរិភោគត្រឹមត្រូវអាចជួយកាត់បន្ថយបន្ទុកលើតម្រងនោម និងធ្វើឱ្យសុខភាពអ្នកជំងឺកាន់តែប្រសើរ៖
១. ការគ្រប់គ្រងជាតិទឹក
- ទឹកសាបស្អាត: ត្រូវពិសាក្នុងកម្រិតធម្មតា (១,៥ – ៣ លីត្រ/ថ្ងៃ) លុះត្រាតែគ្រូពេទ្យតម្រូវឱ្យកាត់បន្ថយតាមស្ថានភាពជំងឺ។
២. អាហារទូទៅ
- បាយ: អាចបរិភោគជាធម្មតា។
- បន្លែ: គួរទទួលទាន បន្លែដែលឆ្អិន (មិនមែនឆៅ) ដើម្បីកាត់បន្ថយជាតិប៉ូតាស្យូម។
៣. ការកំណត់បរិមាណសាច់ (ប្រូតេអ៊ីន)
- សាច់ល្អ: ទទួលទានសាច់ដូចជា ត្រី, មាន់, ទា ក្នុងកម្រិតសមល្មម។
- បរិមាណសមល្មម: ត្រូវកំណត់បរិមាណសាច់សរុបប្រចាំថ្ងៃ។
- ឧទាហរណ៍៖ សម្រាប់អ្នកជំងឺទម្ងន់ ៥០ គីឡូក្រាម អាចបរិភោគសាច់សរុប មិនលើសពី ១៥០ ក្រាម (មួយខាំកន្លះ) ក្នុងមួយថ្ងៃ។ (គួរពិគ្រោះជាមួយគ្រូពេទ្យ ដើម្បីកំណត់បរិមាណត្រឹមត្រូវតាមទម្ងន់ខ្លួនរបស់អ្នក)។
ដំបូន្មានសំខាន់៖ ការគ្រប់គ្រងរបបអាហារជាប្រចាំ គឺជាកត្តាគន្លឹះដើម្បីរក្សាស្ថិរភាពសុខភាពតម្រងនោម។ សូមពិភាក្សាជាមួយគ្រូពេទ្យ ឬអ្នកជំនាញអាហារូបត្ថម្ភរបស់អ្នកជានិច្ច ដើម្បីទទួលបានការណែនាំលម្អិត៕