ការពិសាទឹកភ្លាមៗបន្ទាប់ពីភ្ញាក់ពីគេង (មុនដុសធ្មេញ ឬមុនញ៉ាំអាហារពេលព្រឹក) ត្រូវបានគេចាត់ទុកថាជា«ទម្លាប់មាស» សម្រាប់សុខភាព ។ វិធីសាស្ត្រនេះ មានប្រជាប្រិយភាពខ្លាំងនៅក្នុងប្រទេសជប៉ុន (Japanese Water Therapy) និងត្រូវបានណែនាំដោយអ្នកជំនាញសុខភាពជាច្រើន ។
ខាងក្រោមនេះ គឺជាអត្ថប្រយោជន៍សំខាន់ៗទាំង៥ នៃការពិសាទឹកពេលព្រឹកព្រលឹម ៖
១. បំពេញជាតិទឹកឡើងវិញភ្លាមៗ
-ក្នុងអំឡុងពេលគេង៦-៨ ម៉ោង រាងកាយរបស់អ្នកបាត់បង់ជាតិទឹកតាមរយៈការដកដង្ហើម និងការបែកញើសតិចៗ ។
-ការពិសាទឹកពេលភ្ញាក់ភ្លាម ជួយឱ្យរាងកាយទទួលបានជាតិទឹកមកវិញយ៉ាងលឿន ធ្វើឱ្យអ្នកមានអារម្មណ៍ស្រស់ស្រាយ និងបាត់ភាពងងុយគេង ។
២. បណ្តេញជាតិពុលចេញពីរាងកាយ
-នៅពេលពោះទទេ ទឹកជួយជំរុញចលនារបស់ពោះវៀន និងតម្រងនោម។
-វាជួយលាងសម្អាតជាតិពុល ដែលសន្សំទុកក្នុងរាងកាយពេញមួយយប់ឱ្យចេញមកក្រៅតាមរយៈទឹកនោម ធ្វើឱ្យរាងកាយស្អាតពីខាងក្នុង ។
៣. ជំរុញការដុតបំផ្លាញថាមពល
-ការសិក្សាបានបង្ហាញថា ការពិសាទឹក (ពិសេសទឹកត្រជាក់ល្មម ឬទឹកក្តៅឧណ្ហៗ) នៅពេលពោះទទេ អាចជួយបង្កើនអត្រានៃការដុតរំលាយអាហារ (Metabolic rate) បានរហូតដល់ ២៤-៣០% ។
-នេះមានន័យថា រាងកាយរបស់អ្នកនឹងដុតកាឡូរីបានល្អជាងមុន ដែលជាជំនួយដ៏ល្អសម្រាប់អ្នកចង់សម្រកទម្ងន់ ។
៤. ជួយសម្រួលការបត់ជើង និងការពារទល់លាមក
-នេះគឺជាអត្ថប្រយោជន៍ដែលឃើញច្បាស់បំផុត ។ ការពិសាទឹក ១-២ កែវធំពេលព្រឹក ជួយធ្វើឱ្យលាមកទន់ និងជំរុញឱ្យពោះវៀនធ្វើចលនា (Bowel movement) ធ្វើឱ្យអ្នកបត់ជើងធំបានស្រួល និងទៀងទាត់។
៥. ធ្វើឱ្យស្បែកភ្លឺថ្លា (Improves Skin Health)
-ការខ្វះជាតិទឹកធ្វើឱ្យស្បែកជ្រីវជ្រួញ និងមើលទៅស្រអាប់ ។
-ការពិសាទឹកពេលព្រឹកជួយបណ្តេញជាតិពុលក្នុងឈាម ដែលជាលទ្ធផលធ្វើឱ្យស្បែកភ្លឺថ្លា កាត់បន្ថយការកើតមុន និងមើលទៅក្មេងជាងវ័យ៕