ការពិសាទឹកការ៉ុត គឺជាមធ្យោបាយដ៏ល្អបំផុតមួយ ក្នុងការទទួលបានវីតាមីន និងសារធាតុរ៉ែសំខាន់ៗយ៉ាងឆាប់រហ័សសម្រាប់រាងកាយ ។ វាសម្បូរទៅដោយសារធាតុចិញ្ចឹម ដែលជួយពង្រឹងសុខភាពទូទៅ។
ខាងក្រោមនេះ គឺជាអត្ថប្រយោជន៍សំខាន់ៗនៃទឹកការ៉ុតចំពោះសុខភាព ៖
១. ជួយឱ្យភ្នែកភ្លឺច្បាស់ និងសុខភាពភ្នែកល្អ
នេះជាអត្ថប្រយោជន៍ដែលគេស្គាល់ច្រើនបំផុត ។ ទឹកការ៉ុតសម្បូរទៅដោយ បេតាការ៉ូទីន (Beta-carotene) ដែលរាងកាយបំប្លែងទៅជា វីតាមីន A ។
-វីតាមីន A មានសារៈសំខាន់សម្រាប់ការមើលឃើញ (ជាពិសេសនៅពេលយប់)។
-ជួយការពារភ្នែកពីការចុះខ្សោយនៃកែវភ្នែកតាមវ័យ និងជំងឺភ្នែកផ្សេងៗ។
២. ពង្រឹងប្រព័ន្ធភាពស៊ាំ
សារធាតុចិញ្ចឹមទាំងពីរនៅក្នុងទឹកការ៉ុត គឺ វីតាមីន A និង វីតាមីន C ដើរតួជាអ្នកការពាររាងកាយ។
-ពួកវាជួយរាងកាយប្រយុទ្ធប្រឆាំងនឹងការឆ្លងមេរោគ បាក់តេរី និងការរលាកផ្សេងៗ។
-ជួយការពារជំងឺផ្តាសាយបានយ៉ាងល្អ។
៣. ជួយឱ្យស្បែកភ្លឺថ្លា និងកាត់បន្ថយភាពជ្រីវជ្រួញ
ប្រសិនបើអ្នកចង់បានស្បែកស្អាត ទឹកការ៉ុតគឺជាជម្រើសដ៏ល្អ។
-សារធាតុប្រឆាំងអុកស៊ីតកម្ម (Antioxidants) ជួយការពារស្បែកពីការបំផ្លាញដោយកាំរស្មីព្រះអាទិត្យ។
-វីតាមីន C ជួយផលិតកូឡាជែន (Collagen) ដែលធ្វើឱ្យស្បែកតឹងណែន និងកាត់បន្ថយស្នាមជ្រីវជ្រួញ។
៤. ល្អសម្រាប់សុខភាពបេះដូង
ទឹកការ៉ុត គឺជាប្រភពនៃប៉ូតាស្យូម (Potassium) ដ៏ល្អ។
-ប៉ូតាស្យូមជួយគ្រប់គ្រងសម្ពាធឈាមឱ្យនៅកម្រិតសមរម្យ ។
-សារធាតុប្រឆាំងអុកស៊ីតកម្មក៏ជួយការពារបេះដូងពីការខូចខាតផងដែរ។
៥. ជួយដល់មុខងារថ្លើម
សារធាតុ Carotenoids នៅក្នុងការ៉ុត ត្រូវបានគេជឿថា អាចជួយថ្លើមក្នុងការកម្ចាត់ជាតិពុលចេញពីរាងកាយ និងជួយការពារថ្លើមពីជំងឺខ្លាញ់រុំថ្លើម (Non-alcoholic fatty liver disease)។
៦. គ្រប់គ្រងកម្រិតជាតិស្ករក្នុងឈាម
ទោះបីជាទឹកការ៉ុតមានជាតិស្ករក៏ដោយ ក៏វាមានសន្ទស្សន៍ជាតិស្ករទាប (Low Glycemic Index) បើធៀបនឹងទឹកផ្លែឈើដទៃទៀត ។ នេះមានន័យថា វាជួយកុំឱ្យជាតិស្ករក្នុងឈាមឡើងខ្ពស់គំហុក ប៉ុន្តែអ្នកដែលមានជំងឺទឹកនោមផ្អែមគួរពិសាក្នុងកម្រិតសមរម្យ ៕