សម្រាប់ការហាត់ប្រាណ ដើម្បីទទួលបានសុខភាពល្អជាទូទៅ លោកអ្នកមិនចាំបាច់ហាត់រាប់ម៉ោង ជារៀងរាល់ថ្ងៃនោះទេ ។
យោងតាមអង្គការសុខភាពពិភពលោក (WHO) និងអ្នកជំនាញសុខភាព ការកំណត់រយៈពេលហាត់ប្រាណ គឺអាស្រ័យលើគោលបំណង និងកម្រិតនៃការហាត់ របស់លោកអ្នក។ ខាងក្រោមនេះ ជាការណែនាំជាក់លាក់ ៖
១. សម្រាប់សុខភាពទូទៅ (ថែរក្សាសុខភាព, បេះដូង, និងកាត់បន្ថយស្ត្រេស)
នេះជាកម្រិតស្តង់ដារដែលមនុស្សភាគច្រើនគួរធ្វើ៖
-រយៈពេល ៖ ៣០នាទី ក្នុងមួយថ្ងៃ (៥ ថ្ងៃក្នុងមួយសប្តាហ៍)។
-សរុប ៖ យ៉ាងតិច១៥០នាទី ក្នុងមួយសប្តាហ៍។
-សកម្មភាព៖ ដើរលឿន, ជិះកង់កម្សាន្ត, ហែលទឹក ឬរាំ។
២. សម្រាប់ការសម្រកទម្ងន់
ប្រសិនបើគោលដៅ គឺដុតបំផ្លាញកាឡូរី និងសម្រកគីឡូ លោកអ្នកត្រូវការពេលវេលាច្រើនជាងនេះ ៖
-រយៈពេល៖ ៦០នាទី (១ ម៉ោង) ទៅ៩០នាទី ក្នុងមួយថ្ងៃ។
-សរុប៖ ប្រហែល ៣០០ នាទី ក្នុងមួយសប្តាហ៍ ។
-សកម្មភាព៖ រត់, ជិះកង់ល្បឿនលឿន, ឬលេងកីឡា (បាល់ទាត់, វាយសី)។
៣. ប្រសិនបើលោកអ្នកហាត់ខ្លាំង
បើលោកអ្នកជ្រើសរើសការហាត់បែបធ្ងន់ ឬហត់ខ្លាំង លោកអ្នកចំណាយពេលតិចជាងមុនបាន ៖
-រយៈពេល៖ ត្រឹមតែ៧៥ នាទី ក្នុងមួយសប្តាហ៍ គឺគ្រប់គ្រាន់ (ចែកជា១៥-២០នាទីក្នុងមួយថ្ងៃ) ។
-សកម្មភាព៖ រត់លឿនខ្លាំង, ហាត់ក្បាច់ HIIT (High-Intensity Interval Training)។
សូមបញ្ជាក់ថា ការចាប់ផ្តើមត្រឹម ៣០ នាទីក្នុងមួយថ្ងៃ គឺល្អបំផុតសម្រាប់សុខភាព ៕