តើអ្នកតែងចំណាយពេលយូរនៅលើគ្រែ តែបែរជាគេងមិនលក់ ឬភ្ញាក់កណ្តាលយប់ញឹកញាប់មែនទេ?
យោងតាមការណែនាំពី មន្ទីរពេទ្យកាល់ម៉ែត បានឱ្យដឹងថា វិធីសាស្ត្រដ៏មានប្រសិទ្ធភាពមួយសម្រាប់ដោះស្រាយបញ្ហាដំណេកនេះ គឺការអនុវត្ត “ការព្យាបាលកំណត់ម៉ោងសម្រាន្ត” ដែលជាគន្លឹះជួយពង្រឹងទម្លាប់ និងគុណភាពនៃការគេងលក់។
យុទ្ធសាស្ត្រ ២ ផ្នែក សម្រាប់ដំណេកដ៏មានប្រសិទ្ធភាព
យុទ្ធសាស្ត្រនេះមានគោលការណ៍សំខាន់ៗដូចខាងក្រោម៖
១. ការគ្រប់គ្រងម៉ោងនៅលើគ្រែ
គោលបំណងគឺ កាត់បន្ថយចំនួនម៉ោងសរុបដែលអ្នកចំណាយនៅលើគ្រែ ដើម្បីផ្សារភ្ជាប់គ្រែទៅនឹងការគេងលក់ពិតប្រាកដ (មិនមែនការក្រឡេកឬគិតនោះទេ)។
- បង្កើនប្រសិទ្ធភាពដំណេក៖ កំណត់ម៉ោងដែលអ្នកនៅលើគ្រែ ឱ្យសមាមាត្រទៅនឹងចំនួនម៉ោងដែលអ្នកគេងលក់ពិតប្រាកដ។
- បង្កើនបន្តិចម្តងៗ៖ នៅពេលគុណភាពដំណេករបស់អ្នកប្រសើរឡើង អ្នកអាចចាប់ផ្តើម បង្កើនថេរវេលាលើគ្រែ តាមប្រសិទ្ធភាពដែលអ្នកសម្រេចបាន។
២. ការរៀបចំរចនាសម្ព័ន្ធនៃការគិត
ដំណេកក៏ពាក់ព័ន្ធនឹងគំនិតផងដែរ។ អ្នកត្រូវតែផ្លាស់ប្តូរការគិតអវិជ្ជមានអំពីការគេង៖
- រកមើលគំនិតអវិជ្ជមាន អំពីការសម្រាន្ត ឧទាហរណ៍៖ “ខ្ញុំនឹងមិនអាចសម្រាន្តលក់យប់នេះទេ” ឬ “ខ្ញុំត្រូវការយ៉ាងហោចណាស់ ៨ ម៉ោងនៃដំណេកដើម្បីធ្វើការបាន”។
- ជំនួសដោយការគិត និងជំនឿជាក់ស្តែង ដូចជា៖ “ទោះបីខ្ញុំមិនអាចសម្រាន្តលក់យប់នេះក៏ដោយ ខ្ញុំនៅតែអាចធ្វើការបាននៅថ្ងៃស្អែក”។
ចំណាំ៖ ការផ្លាស់ប្តូរជំនឿអវិជ្ជមាន ជួយកាត់បន្ថយភាពតានតឹងដែលកើតឡើងនៅពេលដល់ម៉ោងចូលគេង។
គន្លឹះសំខាន់៖
ការព្យាបាលកំណត់ម៉ោងសម្រាន្ត គឺជាផ្នែកមួយនៃការព្យាបាលអាកប្បកិរិយាយល់ដឹងសម្រាប់បញ្ហាគេងមិនលក់។ សម្រាប់អ្នកមានបញ្ហាដំណេករ៉ាំរ៉ៃ គួរតែពិគ្រោះជាមួយគ្រូពេទ្យជំនាញដើម្បីទទួលបានការណែនាំត្រឹមត្រូវ៕