ភាគច្រើននៃពួកយើងសុទ្ធតែយល់ស្របថា សក់ស្កូវអាចជាបញ្ហាគួរឱ្យរំខានមួយជាពិសេសប្រសិនបើយើងមានវ័យក្មេងនៅឡើយ។ (អាន ៖ ថ្នាំងងុយគេង ពេលអ្នកគួរប្រើ) បញ្ហាសក់ស្កូវមុនវ័យអាចបណ្ដាលមកពីបរិមាណនៃមេឡានីនដែលផលិតដោយឬសសក់ធ្លាក់ចុះទាប។ ជួនកាលសារធាតុគីមីដែលអ្នកបានប្រើប្រាស់លើសក់ក៏ធ្វើឱ្យស្ថានភាពកាន់តែអាក្រក់ឡើង។ ទោះជាយ៉ាងណា កុំបារម្ភ! ថ្ងៃនេះវេបសាយសុខភាព Health.com.kh នឹងបង្ហាញឱ្យដឹងពីរូបមន្តបែបធម្មជាតិជួយដោះស្រាយបញ្ហាសក់ស្កូវមុនវ័យ ៖

១. ខ្ទឹមបារាំង

អ្វីដែលអ្នកត្រូវធ្វើ គឺបកសំបកខ្ទឹមបារាំង និងកិនសាច់របស់វា។ បន្ទាប់មកម៉ាស្សាខ្ទឹមបារាំងដែលកិនហើយលើស្បែកក្បាល និងសក់របស់អ្នក ហើយទុកចោលសម្រាប់រយៈពេល ៣០ នាទី។ អ្នកអាចគ្រប់ក្បាលជាមួយមួកផ្លាស្ទិកពាក់ងូតទឹកដើម្បីការពារកុំឱ្យខ្ទឹមហៀរចូលភ្នែក។ លាងសម្អាតសក់ជាមួយនឹងសាប៊ូកក់សក់ ដើម្បីកម្ចាត់ក្លិនខ្ទឹម។ អនុវត្តរូបមន្តនេះរាល់ថ្ងៃសម្រាប់រយៈពេលយ៉ាងហោចណាស់ ១ សប្តាហ៍ទើបទទួលបានប្រសិទ្ធិភាពប្រសើរ។

២. ប្រេងដូង និងទឹកក្រូចឆ្មារស្រស់

អ្វីដែលអ្នកត្រូវធ្វើ គឺគ្រាន់តែលាបល្បាយទឹកក្រូចឆ្មារ និងប្រេងដូងលើសក់។ អនុវត្តរាល់ថ្ងៃ រហូតទទួលបានលទ្ធផលគាប់ចិត្ត។

៣. ទឹកការ៉ុតស្រស់

អ្នកមិនចាំបាច់លាបវាទៅលើសក់ និងស្បែកក្បាលឡើយ អ្វីដែលអ្នកត្រូវធ្វើនោះ គឺគ្រាន់តែទទួលទានទឹកការ៉ុតជាប្រចាំ។

៤. តែខ្មៅ

អ្វីដែលអ្នកត្រូវធ្វើ គឺលាងសម្អាតសក់ជាមួយតែខ្មៅជារៀងរាល់ថ្ងៃ។

៥. គ្រាប់ល្ង

ម៉ាស្សាគ្រាប់ល្ងក្នុងសក់រៀងរាល់បីថ្ងៃម្ដងដើម្បីបង្កើនការផលិតជាតិមេឡានីន និង keratin ក្នុងស្បែកក្បាលជៀសផុតពីបញ្ហាសក់ស្កូវបានយ៉ាងងាយ៕