ផ្លែននោងមិនត្រឹមតែជាបន្លែដែលត្រូវបានប្រើប្រាស់ក្នុងការចម្អិនអាហារប៉ុណ្ណោះទេ ថែមទាំងត្រូវបានគេដឹងថាមានអត្ថប្រយោជន៍ដ៏សំខាន់ក្នុងការជួយពង្រឹងដល់សុខភាព និងប្រព័ន្ធការពាររាងកាយផងដែរ។
យោងតាមការផ្សាយរបស់សារព័ត៌មានបរទេស និងការសិក្សាលើសារធាតុផ្សំរបស់ននោង បានឲ្យដឹងថា៖
- ប្រឆាំងការឆ្លងមេរោគ៖ ទឹកចម្រាញ់ចេញពីផ្លែននោង អាចដើរតួជាជំនួយការដ៏ល្អមួយដល់យន្តការការពារធម្មជាតិនៅក្នុងរាងកាយរបស់អ្នក។
- ពង្រឹងប្រព័ន្ធភាពស៊ាំ៖ សមាសធាតុមួយចំនួននៅក្នុងផ្លែននោងត្រូវបានគេជឿថា អាចជួយសម្រួល និងបង្កើនប្រសិទ្ធភាពនៃប្រព័ន្ធភាពស៊ាំ ដែលអនុញ្ញាតឱ្យរាងកាយអាច ប្រយុទ្ធប្រឆាំងនឹងការឆ្លង និងមេរោគ បានកាន់តែល្អប្រសើរជាងមុន។
ការបញ្ចូលបន្លែដូចជាននោងទៅក្នុងរបបអាហារប្រចាំថ្ងៃ អាចជាមធ្យោបាយដ៏ល្អដើម្បីទទួលបានសារធាតុចិញ្ចឹមដែលចាំបាច់សម្រាប់សុខភាពរឹងមាំ និងប្រព័ន្ធការពារប្រកបដោយប្រសិទ្ធភាព៕