ជំងឺវិបត្តិចង្វាក់បេះដូងដើរយឺតគឺជាបញ្ហាប្រឈមធ្ងន់ធ្ងរមួយ ដែលតម្រូវឱ្យមានការយល់ដឹងច្បាស់លាស់។
យោងតាមការចុះផ្សាយរបស់ មន្ទីរពេទ្យកាល់ម៉ែត បានឱ្យដឹងថា បញ្ហានេះត្រូវបានគេសង្កេតឃើញញឹកញាប់លើ អ្នកជំងឺវ័យចំណាស់ ប៉ុន្តែក៏អាចមានពីកំណើតលើ អ្នកជំងឺវ័យក្មេង និងទារក ផងដែរ។ ជំងឺនេះមានច្រើនប្រភេទ ដូចជា Sinus Sick Syndrome, High Grade and Complete Heart Block ជាដើម។
រោគសញ្ញាគួរឱ្យកត់សម្គាល់៖
រោគសញ្ញាដែលអ្នកជំងឺច្រើនជួបប្រទះ និងត្រូវប្រញាប់ស្វែងរកការព្យាបាលរួមមាន៖
- អស់កម្លាំង ខ្លាំង
- ធ្វើការឆាប់ហត់ ខុសពីធម្មតា
- វិលមុខ
- សន្លប់
- ករណីធ្ងន់ធ្ងរ អាចឈានដល់ គាំងបេះដូង។
វិធីសាស្ត្រព្យាបាលដ៏សំខាន់
ចំពោះការព្យាបាលជំងឺបេះដូងដើរយឺត ដែលមិនមានមូលហេតុផ្សេងទៀត គ្រូពេទ្យតម្រូវឱ្យធ្វើការវះកាត់មួយប្រភេទ៖
- ការវះដាក់ថ្មបេះដូងសិប្បនិម្មិត: ថ្មបេះដូងនេះដើរតួនាទីជាឧបករណ៍ភ្ញោច ដើម្បីជួយឱ្យបេះដូងបន្តដើរទៅមុខទៀត ឬដំណើរការឡើងវិញ ក្នុងករណីបេះដូងដើរយឺតខ្លាំង ឬគាំង។
សារៈសំខាន់៖ ការស្វែងរកការពិគ្រោះយោបល់ និងការព្យាបាលទាន់ពេលវេលា គឺជាគន្លឹះដើម្បីជៀសវាងហានិភ័យធ្ងន់ធ្ងរដល់អាយុជីវិត៕