រោគសញ្ញាលាក់កំបាំង៖ ជំងឺប្រព័ន្ធប្រសាទក្រៅ ដែលគ្រូពេទ្យ និងអ្នកជំងឺតែងមើលរំលង

មន្ទីរពេទ្យកាល់ម៉ែតបានប្រកាសនាពេលកន្លងមកថា ៖ ជំងឺប្រព័ន្ធប្រសាទក្រៅ ស្ដែងឡើងក្នុងរូបភាពច្រើនបែប ដែលអ្នកជំងឺ និងគ្រូពេទ្យក្រៅពីជំនាញខាងប្រព័ន្ធប្រសាទ អាចមិនបានគិតដល់ និងងាយមើលរំលង។ គឺជាមូលហេតុមួយក្នុងចំណោមមូលហេតុផ្សេងៗដ៏ទៃទៀត ដែលនាំអ្នកជំងឺជាច្រើនអាចត្រូវចំណាយថវិកា និងពេលវេលាច្រើន ដើម្បីរកមូលហេតុ និងវិធីសាស្ត្រព្យាបាល តែមិនទទួលបានលទ្ធផលគាប់ប្រសើរ។

ក្នុងរយៈពេល ៥ ឆ្នាំកន្លងមកនេះ មានអ្នកជំងឺជាច្រើនបានមកទទួលការពិនិត្យអេឡិចត្រូណឺរូមីញ៉ូក្រាម (ENMG) ដែលក្រុមការងារជំនាញរកឃើញថាមានប៉ះពាល់ទៅនិងជំងឺប្រព័ន្ធប្រសាទក្រៅ ។

រោគសញ្ញានៃជំងឺប្រព័ន្ធប្រសាទក្រៅមានដូចជា៖

– ចុះខ្សោយកម្លាំងសាច់ដុំ ឬស្វិតសាច់ដុំ

– ឈឺ ចុករោយ តាមសាច់ដុំ

– ស្ពឹក ស្រពន់

– ទទួលអារម្មណ៍ថាក្ដៅ ឬក្រហាយ

– មានអារម្មណ៍ថាដូចជាមានស្រមោចវារ ឬម្ជុលចាក់

រោគសញ្ញាទាំងនេះអាចកើតមាននៅលើដៃ ឬជើង ឬពេញទាំងដងខ្លួន៕