ដំបៅជើងដោយមិនដឹងខ្លួន ៖ យល់ដឹងពីការប៉ះទង្គិចខាងក្រៅលើអ្នកជំងឺទឹកនោមផ្អែមដែលមានបញ្ហាស្ពឹកជើង

មន្ទីរពេទ្យកាល់ម៉ែតបានប្រកាសនាពេលកន្លងមកថា ៖ ហេតុអ្វីបានជាអ្នកជំងឺទឹកនោមផ្អែមប្រឈមនឹងបញ្ហាដំបៅជើង?

បញ្ហាស្ពឹកជើងលើអ្នកជំងឺទឹកនោមផ្អែមជាមូលហេតុចំបងដែលបណ្តាលអោយកើតមានដំបៅជើង។ គេសង្គេតឃើញថា ប្រមាណ៥០ភាគរយនៃអ្នកជំងឺទឹកនោមផ្អែមដែលវិវត្តន៏លើសពី១០ឆ្នាំនឹងមានបញ្ហាស្ពឹកជើង។

អ្នកជំងឺទឹកនោមផ្អែមដែលមានបញ្ហាស្ពឹកជើងប្រឈមនឹងការប៉ះទង្គិចពីខាងក្រៅ( Facteur mécanique extrinsèque)ដោយមិនដឹងខ្លួនដូចជា៖

-ការកកិតនឹងស្បែកជើង

-ការមុតនឹងរបស់រឹង

-ការរលាកនឹងរបស់ក្តៅ

ដើម្បីកាត់បន្ថយហានិភ័យដំបៅជើងដោយសារការប៉ះទង្គិចអ្នកជំងឺទឹកនោមផ្អែមត្រូវធ្វើដូចម្តេចខ្លះ?

⁃ ពាក់ស្បែកជើងជិតមុខជាប្រចាំ

⁃ ជ្រើសរើសស្បែកជើងអោយសមនឹងទំហំនិងទ្រង់ទ្រាយរបស់ជើង

⁃ ពិនិត្យស្បែកជើងជាប្រចាំមុនពេលពាក់

⁃ មិនត្រូវដើរជើងទទេ

⁃ មិនត្រូវទុកក្រចកវែងពេករឺកាត់ក្រចកខ្លីពេក

ដើម្បីស្វែងយល់បន្ថែមពីជំងឺទឹកនោមផ្អែមប្រឈមនឹងបញ្ហាដំបៅជើង ក៏ដូចជា វិធីធ្វើយ៉ាងណាអោយសុខភាពល្អ បងប្អូនអាចមកប្រឹក្សាជាមួយនឹង ក្រុមគ្រូពេទ្យឯកទេសជំងឺទឹកនោមផ្អែមនៅមន្ទីរពេទ្យបានជារៀងរាល់ថ្ងៃ ៕