ចំពោះអ្នកជំងឺដែលកំពុងប្រឈមនឹងបញ្ហាខ្សោយតម្រងនោមដំណាក់កាលធ្ងន់ ការប្រើប្រាស់ថ្នាំតែមួយមុខ មិនគ្រប់គ្រាន់ឡើយ។ ការគ្រប់គ្រងរបបអាហារប្រចាំថ្ងៃ គឺជាចំណែកដ៏សំខាន់បំផុតក្នុងការជួយថែរក្សាសុខភាព និងកាត់បន្ថយហានិភ័យផ្សេងៗ។
យោងតាមការណែនាំរបស់អ្នកជំនាញពី មន្ទីរព័ត៌មានមន្ទីរពេទ្យកាល់ម៉ែត បានផ្តល់នូវបញ្ជីអាហារដែលអ្នកជំងឺខ្សោយតម្រងនោមគួរតែបរិភោគជាប្រចាំ ដើម្បីទទួលបានសុខភាពល្អប្រសើរ៖
អ្វីដែលអ្នកជំងឺខ្សោយតម្រងនោមគួរតែបរិភោគ៖
- ការទទួលទានទឹកស្អាត៖
- ពិសាទឹកសាបស្អាត ក្នុងកម្រិតធម្មតា ដែលត្រូវបានណែនាំគឺ ១,៥ ទៅ ៣ លីត្រក្នុងមួយថ្ងៃ។ (ទោះជាយ៉ាងណា សូមពិភាក្សាជាមួយគ្រូពេទ្យរបស់អ្នកសម្រាប់ការកំណត់កម្រិតទឹកជាក់លាក់)។
- អាហារប្រចាំថ្ងៃ៖
- គួរតែបរិភោគ បាយ។
- ពិសាបន្លែឆ្អិន។
- ការគ្រប់គ្រងជាតិប្រូតេអ៊ីន (សាច់)៖
- ពិសាសាច់ ដូចជា ត្រី មាន់ ឬទា ក្នុងកម្រិតសមល្មម។
ចំណាំសំខាន់! ការកំណត់កម្រិតប្រូតេអ៊ីនគឺចាំបាច់ណាស់។ ឧទាហរណ៍៖ សម្រាប់អ្នកជំងឺដែលមានទម្ងន់ ៥០ គីឡូក្រាម អាចបរិភោគសាច់សរុប មិនលើសពី ១៥០ ក្រាម (មួយខាំកន្លះ) ក្នុងមួយថ្ងៃ។
ចំណុចដែលត្រូវចងចាំ!
ការបរិភោគត្រឹមត្រូវ គឺជាការព្យាបាលបន្ថែមដ៏មានឥទ្ធិពលបំផុត។ ការយកចិត្តទុកដាក់លើរបបអាហារអាចជួយ ថែរក្សាសុខភាព និង កាត់បន្ថយគ្រោះថ្នាក់ប្រឈម ផ្សេងៗជាយថាហេតុ។ សូមកុំមើលរំលងសារៈសំខាន់នៃការញ៉ាំអាហារ!