ការថែរក្សារបបអាហារផ្តល់សុខភាពក្នុងពេលមានផ្ទៃពោះគឺជារឿងសំខាន់បំផុត។ ក្នុងពេលនេះដែរ រាងកាយរបស់អ្នកត្រូវការជីវជាតិ វីតាមីន និងជាតិរ៉ែបន្ថែម។ តាមពិតទៅ អ្នកប្រហែលជាត្រូវការកាឡូរីបន្ថែមពី ៣៥០ ទៅ ៥០០កាឡូរីជារៀងរាល់ថ្ងៃ ក្នុងត្រីមាសទីពីរ និងទីបី។ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)របបអាហារដែលកង្វះជីវជាតិសំខាន់ៗប្រហែលជាផ្តល់ឥទ្ធិពលអវិជ្ជមានដល់ការលូតលាស់ទារកក្នុងផ្ទៃបាន។ ទម្លាប់ញ៉ាំអាហារមិនគ្រប់គ្រាន់ និងការឡើងទម្ងន់ច្រើនពេកក៏អាចបង្កើនការប្រឈមនឹងជំងឺទឹកនោមផ្អែមក្នុងពេលមានផ្ទៃពោះ និងសម្រាលកូនមានផលវិបាកច្រើន។ 

ត្រីសាលម៉ុងគឺជាអាហារសម្បូរទៅដោយអាស៊ីតខ្លាញ់អូមេហ្គាបីសំខាន់ៗ។ មនុស្សភាគច្រើន រយមទាំងស្រ្តីមានផ្ទៃពោះផងដែរនោះ មិនអាចទទួលបានជីវជាតិមួយនេះគ្រប់គ្រាន់តាមរបបអាហារឡើយ។ អាស៊ីតខ្លាញ់អូមេហ្គាបីមានសារៈសំខាន់ក្នុងពេលមានផ្ទៃពោះ ជាពិសេសពពួកអាស៊ីតខ្លាញ់អូមេហ្គាបីច្រវ៉ាក់វែង DHA និង EPA ដែលត្រូវបានគេរកឃើញយ៉ាងច្រើនក្នុងអាហារសមុទ្រ ហើយវាមាននាទីជួយបង្កើតខួរក្បាល និងភ្នែករបស់ទារកផង។ 

មែនហើយ ស្រ្តីមានផ្ទៃពោះជាទូទៅ ត្រូវបានណែនាំឲ្យកាត់បន្ថយការញ៉ាំអាហារសមុទ្រមកត្រឹមតែ ២ដងក្នុងមួយសប្តាហ៍ទេ ដោយសារតែអាហារសមុទ្រមានជាតិបារ៉ត ហើយក៏មានមេរោគច្រើនទៀតផង។ ហេតុដូច្នេះហើយទើបធ្វើឲ្យស្រ្តីមួយចំនួនចៀសវាងការញ៉ាំអាហារសមុទ្រ រហូតដល់មិនអាចញ៉ាំអាស៊ីតខ្លាញ់អូមេហ្គាបីបានគ្រប់គ្រាន់ទៀត។(អាន:ថ្នាំងងុយគេង ពេលអ្នកគួរប្រើ)

ទោះបីជាយ៉ាងណាក៏ដោយ ការសិក្សាបានបង្ហាញថា ស្រ្តីមានផ្ទៃពោះដែលញ៉ាំត្រីសម្បូរខ្លាញ់ពី ២ ទៅ ៣ពេលក្នុងមួយសប្តាហ៍ ទទួលបានចំនួនអាស៊ីតខ្លាញ់អូមេហ្គាបីតាមការណែនាំ ហើយក៏បង្កើនចំនួនសារធាតុ EPA និង DHA ក្នុងឈាមទៀតផង។ ក្រៅពីនេះ ត្រីសាលម៉ុងជាប្រភពធម្មជាតិមួយនៃវីតាមីន D ផងដែរ សម្រាប់ជំនួយដល់សុខភាពឆ្អឹង និងមុខងារប្រព័ន្ធភាពស៊ាំ៕