ជំងឺទឹកនោមផ្អែមប្រភេទទី២គឺជាជំងឺដែលកើតមានជាញឹកញាប់បំផុត ហើយក៏ច្រើនតែត្រូវការការព្យាបាលដោយចាក់អាំងស៊ុយលីនផងដែរ។ អ្នកជំងឺខ្លះ អាចគ្រប់គ្រងជាតិស្ករក្នុងឈាមបានតាមរយៈរបៀបរស់នៅដែលផ្តលសុខភាពល្អ និងផ្លាស់ប្តូររបបអាហារ ប៉ុន្តែខ្លះទៀតទាល់តែត្រូវការលេបថ្នាំ ឬចាក់អាំងស៊ុយលីនទើបអាចគ្រប់គ្រងបាន។ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)

បើសិនជាអ្នកមានជំងឺទឹកនោមផ្អែមប្រភេទទី២ អ្នកនៅតែអាចមានផ្ទៃពោះប្រកបដោយសុខភាពល្អដដែល ប៉ុន្តែមានរឿងមួយចំនួនដែលអ្នកត្រូវគិតដែរដើម្បីបន្ថយការប្រឈមមុខ និងប្រាកដថា អ្នក និងកូនមានសុខភាពល្អទាំងពីរនាក់។

ខណៈពេលកំពុងតែព្យាយាមមានផ្ទៃពោះ

វាមិនមានអ្វីពិបាកចាំបាច់ដែលទាក់ទងនឹងទឹកនោមផ្អែមនៅពេលកំពុងតែព្យាយាមមានផ្ទៃពោះឡើយ។ ការធាត់ ឬធាត់ជ្រុល មានជាប់ទាក់ទងនឹងជំងឺទឹកនោមផ្អែមប្រភេទទី២ ដោយសារតែកំពុងតែមានជំងឺគីសច្រើនគ្រាប់ក្នុងក្រពេញអូវ៉ែ។ ទាំងការធាត់ជ្រុល និងគីសច្រើនគ្រាប់ក្នុងក្រពេញអូវ៉ែ អាចធ្វើឲ្យកាន់តែពិបាកមានផ្ទៃពោះ និងជាប់ទាក់ទងនឹងការមិនអាចមានកូនថែមទៀតផង។ 

ការប្រើប្រាស់ថ្នាំ និងការមានផ្ទៃពោះ

ខណៈពេលដែលមនុស្សមួយចំនួនអាចគ្រប់គ្រងជំងឺទឹកនោមផ្អែមប្រភេទទី២បានជាមួយនឹងរបបអាហារ និងការហាត់ប្រាណ តែអ្នកខ្លះទៀតត្រូវការប្រើថ្នាំដើម្បីគ្រប់គ្រងជាតិស្ករក្នងុឈាម។ មុនពេលអ្នកមានផ្ទៃពោះ ចូរពិគ្រោះជាមួយគ្រូពេទ្យ ឬឆ្មបដើម្បីចង់ដឹងថាតើអ្នកនៅតែអាចមានជំងឺនេះបានទេក្នុងពេលមានផ្ទៃពោះ។

ការប្រើថ្នាំជំងឺទឹកនោមផ្អែមបច្ចុប្បន្ននេះភាគច្រើនគឺមិនត្រូវបានណែនាំថា មានសុវត្ថិភាពសម្រាប់ស្រ្តីមានផ្ទៃពោះឡើយ ដូច្នេះ អ្នកប្រហែលជាអាចត្រូវប្តូរមកចាក់អាំងស៊ុយលីនជំនួសវិញ។ អាំងស៊ុយលីននឹងជួយគ្រប់គ្រងជាតិស្ករក្នុងឈាម ហើយក៏វាមិនដូចគ្នានឹងថ្នាំគ្រាប់សម្រាប់ព្យាបាលជំងឺទឹកនោមផ្អែមដែរ គឺមិនអាចចូលក្នុងសុកបានទេ ដូច្នេះ វានឹងមានសុវត្ថិភាពក្នុងពេលមានផ្ទៃពោះ។ តាមពិតទៅ អាំងស៊ុយលីនក៏ត្រូវបានគេប្រើប្រាស់លើស្រ្តីដែលមានជំងឺទឹកនោមផ្អែមក្នុងពេលមានផ្ទៃពោះដែរ។ 

របបអាហារក្នុងពេលមានផ្ទៃពោះដែលមានសុខភាពល្អគឺមិនខុសគ្នានឹងរបបអាហារធម្មតាឡើយ ហើយអ្នកក៏ត្រូវយកចិត្តទុកដាក់ឲ្យបានខ្លាំងទៅលើការមិនញ៉ាំអាហារច្រើនពេក តែត្រូវញ៉ាំអាហារច្រើនប្រភេទខុសៗគ្នាវិញ។(អាន:ថ្នាំងងុយគេង ពេលអ្នកគួរប្រើ) ចូរចាំថា ការញ៉ាំអាហារសម្រាប់មនុស្សពីរនាក់គឺមិនចាំបាច់ទេ ដូច្នេះអ្នកក៏មិនបាច់ញ៉ាំអាហារច្រើនជ្រុលដែរ។ អាហារដែលអ្នកគួរតែជ្រើសមកទទួលទានច្រើននោះមានដូចជា៖

  • បន្លែ និងផ្លែឈើ
  • គ្រាប់ធញ្ញជាតិ សណ្តែក
  • សាច់គ្មានខ្លាញ់ដូចជា សាច់មាន់
  • ត្រី តែត្រូវចៀសវាងត្រីដែលឆៅ និងត្រីដែលមានជាតិបារ៉តខ្ពស់
  • ផលិតផលធ្វើពីទឹកដោះគោមានជាតិខ្លាញ់ទាប

ជាធម្មតា បើសិនជាអ្នកចាប់ផ្តើមមានផ្ទៃពោះនៅទម្ងន់ធម្មតា ការរំពឹងថាឡើងទម្ងន់អាចនៅចន្លោះពី ១១.៣ ទៅ ១៥.៨គីឡូក្រាម។ ស្រ្តីដែលត្រូវបានចាត់ទុកថាធាត់ជ្រុល ជាទូទៅត្រូវបានគេណែនាំឲ្យឡើងទម្ងន់ត្រឹម ៦.៨ ទៅ ១១.៣គីឡូក្រាមប៉ុណ្ណោះ៕