កាបូបស្ពាយពីក្រោយរបស់កូនប្រហែលជាងាយស្រួលក្នុងការយកតាមខ្លួន ហើយក៏អាចបញ្ជាក់អំពីស្តាយផ្ទាល់ខ្លួនរបស់គេបានដែរ។ វាក៏គួរតែមានមុខងារ និងជួយការពារខ្នងរបស់កូនផង។ បើសិនជាកាបូបស្ពាយពីក្រោយនេះងាយរហែក ឬធ្ងន់ពេក វាអាចដាក់សម្ពាធដល់សាច់ដុំ និងសន្លាក់ ព្រមទាំងធ្វើឲ្យឈឺខ្នងថែមទៀតផង។(អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?) គ្រូពេទ្យជាច្រើនបានណែនាំថា ក្មេងៗគួរតែរក្សាទម្ងន់ក្នុងកាបូបស្ពាយនោះមិនឲ្យច្រើនជាង ១៥ភាគរយនៃទម្ងន់ខ្លួនរបស់កូនឡើយ។
ខាងក្រោមនេះគឺជាលក្ខណៈសម្បត្តិខ្លះៗដែលអ្នកគួរតែជ្រើសរើសកាបូបស្ពាយពីក្រោយខ្នងដែលត្រឹមត្រូវសម្រាប់កូនប្រើប្រាស់៖
- ទម្ងន់ស្រាល៖ ចូរជ្រើសរើសកាបូបណាដែលមិនអាចដាក់ទម្ងន់បន្ថែមទៅលើការខំប្រឹងស្ពាយរបស់កូនបាន
- ទូលាយ៖ ថតក្នុងកាបូបគួរតែទូលាយ ហើយបើសិនជាតូចពេកអាចធ្វើឲ្យពិបាកដល់ស្មាកូនបាន
- មានទ្រនាប់នៅខាងក្រោយ៖ កាបូបស្ពាយពីក្រោយដែលមានទ្រនាប់នៅពីក្រោយអាចផ្តល់នូវផាសុកភាពបន្ថែមខណៈពេលកំពុងតែការពារកូនពីការស្ពាយអ្វីៗដែលក្នុងកាបូបនោះធ្ងន់ៗបាន
- មានខ្សែសម្រាប់ក្រវ៉ាត់ព័ទ្ធចង្កេះ៖ ក្រវ៉ាត់ចង្កេះនេះអាចជួយសម្រាលទម្ងន់របស់កាបូបកុំឲ្យដាក់បន្ទុកតែលើខ្នងពេក(អាន:ថ្នាំងងុយគេង ពេលអ្នកគួរប្រើ)
- មានថតច្រើន៖ ការដែលមានថតក្នុងកាបូបច្រើន អាចជួយសម្រាលទម្ងន់នៅក្នុងកាបូបបាន៕