យោងតាមការលើកឡើងរបស់ក្រុមគ្រូពេទ្យឯកទេសនៃមន្ទីរពេទ្យកាល់ម៉ែត បានបង្ហាញថា ក្រួសដែលជាប់គាំងនៅតាមបណ្តោយបង្ហួរនោម គឺជាបញ្ហាប្រឈមធំមួយដែលអាចបង្កផលវិបាកធ្ងន់ធ្ងរ ប្រសិនបើពុំទទួលបានការព្យាបាលទាន់ពេលវេលា ឬត្រឹមត្រូវ។
ផលវិបាកគ្រោះថ្នាក់ទាំង ៤ ដែលអាចកើតឡើង៖
ចំពោះអ្នកជំងឺដែលធ្វេសប្រហែស ឬព្យាបាលមិនបានដិតដល់ អាចប្រឈមនឹងបញ្ហាដូចខាងក្រោម៖
- ១. ការបង្ករោគធ្ងន់ធ្ងរ: ការឆ្លងមេរោគពីតម្រងនោម រាលដាលដល់ប្លោកនោម និងបង្ហួរនោម។
- ២. រលាករ៉ាំរ៉ៃ: បណ្តាលឱ្យមានការរលាករ៉ាំរ៉ៃនៅប្លោកនោម និងបង្ហួរនោម។
- ៣. បង្ហួរនោមរួមតូច: នាំឱ្យបំពង់បង្ហួរនោមមានការរួមតូច ដែលធ្វើឱ្យពិបាកក្នុងការបញ្ចេញទឹកនោម។
- ៤. បង្ហួរនោមស្ទះជិតឈឹង: បញ្ហាធ្ងន់ធ្ងរបំផុត ដែលអាចបណ្តាលឱ្យស្ទះផ្លូវទឹកនោមទាំងស្រុង។
ចំណាំ៖ ផលវិបាកទាំងនេះអាចប៉ះពាល់យ៉ាងធ្ងន់ធ្ងរដល់មុខងារតម្រងនោម។ ដូច្នេះអ្នកជំងឺចាំបាច់ត្រូវតែពិគ្រោះ និងទទួលការព្យាបាលពីគ្រូពេទ្យជំនាញ៕