តើការរលាកប្រព័ន្ធទឹកមូត្រជាអ្វី?
យោងតាមមន្ទីរពេទ្យកាល់ម៉ែត, នេះគឺជាការកកើតនៃមេរោគនៅក្នុងប្រព័ន្ធបង្ហូរទឹកនោម។ បញ្ហានេះអាចវិវត្តទៅជាធ្ងន់ធ្ងរ ប្រសិនបើមិនព្យាបាលទាន់ពេល។
រោគសញ្ញាស្រួចស្រាវ ៤ យ៉ាង ដែលត្រូវប្រញាប់ទៅពេទ្យ!
សូមតាមដានរោគសញ្ញាសំខាន់ៗទាំងនេះ ដែលបង្ហាញថាអ្នកកំពុងមានការរលាកប្រព័ន្ធទឹកមូត្រ៖
- នោមក្រហាយខ្លាំង: មានអារម្មណ៍ក្រហាយឬឈឺចាប់ពេលបត់ជើងតូច។
- នោមទាស់/នោមពិបាក: ពិបាកនោម ឬនោមមិនអស់។
- នោមញឹកញាប់ខុសធម្មតា: មានអារម្មណ៍ចង់បត់ជើងតូចញឹកដង ទោះជានោមចេញតិចតួច។
- ក្តៅខ្លួន: ជាពិសេសប្រសិនបើមានអាការៈក្តៅខ្លួនអមជាមួយរោគសញ្ញាខាងលើ។
ចំណាំ៖ បើមានរោគសញ្ញាទាំងនេះ សូមរួសរាន់ទៅពិគ្រោះជាមួយគ្រូពេទ្យ ដើម្បីធ្វើរោគវិនិច្ឆ័យ និងទទួលការព្យាបាលត្រឹមត្រូវ មុនពេលមេរោគរាលដាលដល់តម្រងនោម៕