ជំងឺភ្នែកស្ងួតគឺជាបញ្ហារំខានមួយដែលមនុស្សជាច្រើនជួបប្រទះ ជាពិសេសអ្នកដែលប្រើប្រាស់កុំព្យូទ័រ និងទូរស័ព្ទច្រើន។ មន្ទីរពេទ្យកាល់ម៉ែតបានបង្ហាញពីរោគសញ្ញាសំខាន់ៗដែលត្រូវប្រយ័ត្ន៖
រោគសញ្ញាជំងឺភ្នែកស្ងួតរួមមាន៖
- រកាំភ្នែក
- ក្រហាយក្នុងភ្នែក
- រមាស់ក្នុងភ្នែក
- ចាញ់ពន្លឺថ្ងៃ
- ហៀរទឹកភ្នែក (ជាប្រតិកម្មរបស់ភ្នែកចំពោះភាពស្ងួត)
- រោយភ្នែក
- ស្រវាំងភ្នែក
ករណីធ្ងន់ធ្ងរ៖ ប្រសិនបើភ្នែកស្ងួតខ្លាំង អ្នកអាចមានអាការៈ ក្រហមភ្នែក ឬ ឈឺចាប់ក្នុងភ្នែក ថែមទៀតផង។
ការអំពាវនាវពីអ្នកជំនាញ៖
ប្រសិនបើលោកអ្នកមានរោគសញ្ញាដូចការរៀបរាប់ខាងលើ សូមអញ្ជើញទៅពិគ្រោះយោបល់ និងពិនិត្យភ្នែកជាមួយក្រុមវេជ្ជបណ្ឌិតជំនាញ ដើម្បីរករោគវិនិច្ឆ័យកម្រិតស្ងួតភ្នែក និងទទួលបានការប្រឹក្សា និងព្យាបាលទាន់ពេលវេលា៕