ពងទាប្រៃជាអាហារដ៏ពេញនិយម ប៉ុន្តែអ្នកជំនាញសុខភាពបានព្រមានថា ការទទួលទានច្រើនពេកអាចបង្កគ្រោះថ្នាក់ធ្ងន់ធ្ងរដល់សុខភាព ជាពិសេសសម្រាប់ប្រព័ន្ធឈាមរត់។
យោងតាមប្រភពសារព័ត៌មានបរទេស បានឱ្យដឹងថាមូលហេតុគឺដោយសារពងទាប្រៃជាប្រភពអាហារដែលមាន៖
- ជាតិសូដ្យូម (អំបិល) ខ្ពស់បំផុត៖
- ការញ៉ាំពងទាប្រៃញឹកញាប់ ធ្វើឱ្យកម្រិតសូដ្យូមក្នុងរាងកាយកើនឡើងយ៉ាងលឿន ដែលជាកត្តាបង្កឱ្យមាន សម្ពាធឈាមឡើងខ្ពស់ (លើសឈាម) និងជាហានិភ័យចម្បងនៃ ជំងឺបេះដូង និងដាច់សរសៃឈាមខួរក្បាល។
- ខ្លាញ់ និងកូលេស្តេរ៉ុលខ្ពស់៖
- ពងទាប្រៃមានខ្លាញ់ និងកូលេស្តេរ៉ុលច្រើន ជាពិសេសនៅត្រង់ផ្នែកលឿង។ អ្នកដែលមានជំងឺខ្លាញ់ក្នុងឈាមខ្ពស់ ឬជំងឺបេះដូង ត្រូវ កំណត់ការបរិភោគជាដាច់ខាត។
ការក្រើនរំលឹក៖ ដើម្បីការពារសុខភាព សូមកំណត់ការទទួលទានពងទាប្រៃក្នុងបរិមាណសមរម្យ។ ត្រូវពិនិត្យមើលគុណភាព និងស្ថានភាពនៃការទុកដាក់ឱ្យបានត្រឹមត្រូវ ដើម្បីជៀសវាងបញ្ហាមេរោគនិងក្លិនស្អុយផងដែរ៕