តើអ្នកធ្លាប់ភ្ញាក់ពីគេងមកឃើញត្របកភ្នែកហើមខ្លាំង ឬសម្គាល់ឃើញជើងឡើងប៉ោង និងទម្ងន់ឡើងលឿនខុសធម្មតាដែរឬទេ? សញ្ញាទាំងនេះមិនមែនជារឿងធម្មតាទេ! វាអាចជាការប្រកាសអាសន្ននៃ ជំងឺទឹកនោមប្រៃ ដែលជាបញ្ហាធ្ងន់ធ្ងរមួយនៃតម្រងនោម។
យោងតាមការចុះផ្សាយរបស់មន្ទីរពេទ្យកាល់ម៉ែត នាពេលកន្លងមក បានឱ្យដឹងថាជំងឺទឹកនោមប្រៃកើតឡើងដោយសារការខូចខាតមុខងារកោសិកាតម្រងឈាមរបស់តម្រងនោមដែលបណ្ដាលឲ្យសារធាតុប្រូតេអ៊ីនសំខាន់ៗជាច្រើនត្រូវបាត់បង់ទៅក្នុងទឹកនោម។
ចំពោះរោគសញ្ញាផ្សេងទៀតមានដូចជា៖
- ទឹកនោមមានពពុះច្រើនខុសធម្មតា
- ឡើងគីឡូលឿន ខុសធម្មតា ដោយសារហើម
- អស់កម្លាំង ល្ហិតល្ហៃ
- បាត់បង់ចំណង់ក្នុងការបរិភោគអាហារជាដើម៕