សូមកុំយកមាន់-ទាស្លាប់ មកទទួលទាន ព្រោះអាចបណ្តាលឲ្យឆ្លងវីរុស H5N1 និងរលាកសួតធ្ងន់ធ្ងរពិបាកព្យាបាល និងមានហានិភ័យខ្ពស់ដល់អាយុជីវិត ។ នេះបើយោងតាមផេក Dr. Beat Richner បានប្រកាសនាថ្ងៃទី២២ ខែតុលាឆ្នាំ២០២៥ ។
សូមមេត្តាស្តាប់ និងគោរពតាម និយាមការពារនៃការចម្លងរោគ របស់ក្រសួងសុខាភិបាល (ពេលមានមាន់-ទាស្លា.ប់) ។
ជាក់ស្តែង កុមារីម្នាក់នេះ អាយុ៣ឆ្នាំ មកពីខេត្តកំពង់ស្ពឺ ដោយមានជំងឺរលាកសួត បណ្តាលមកពីវីរុសគ្រុនផ្តាសាយបក្សី-H5N1
ហើយកុមារីត្រូវបានសង្គ្រោះជីវិត ។ ហើយថ្ងៃនេះ កូនស្រី បានវិលត្រឡប់ទៅផ្ទះវិញ ដោយស្នាមញញឹម ជាមួយពុកម៉ែផងដែរ ។
ជាចុងក្រោយសូមអរគុណ និងកោតសរសើរដល់ក្រុមគ្រូពេទ្យឯកទេសសង្គ្រោះបន្ទាន់នៃមន្ទីរពេទ្យគន្ធបុប្ផាភ្នំពេញ ដែលបានសង្គ្រោះជីវិតមួយនេះ ៕