ការណែនាំពីគ្រូពេទ្យ ៖ ស្ត្រីមានផ្ទៃពោះកូនភ្លោះ ទឹកនោមផ្អែម និងលើសឈាម ត្រូវបានហាមឃាត់មិនឲ្យធ្វើដំណើរផ្លូវឆ្ងាយ

អំឡុងពេលមានផ្ទៃពោះ មិនមែនជាពេលវេលាដ៏ល្អសម្រាប់ស្រ្តីធ្វើដំណើរឆ្ងាយឡើយ។ ដូចនេះអ្នកម្តាយទាំងឡាយគួរស្វែងយល់អំពីចំនុចខាងក្រោមដើម្បីទុកជាអត្ថប្រយោជន៍។ នេះបើយោងតាមផេកមន្ទីរពេទ្យកាល់ម៉ែតបានប្រកាសនាពេលកន្លងមក ។

ក. ការធ្វើដំណើរផ្លូវឆ្ងាយត្រូវហាមឃាត់ចំពោះស្ត្រីមានផ្ទៃពោះ នៅពេលដែលមាន៖

– ផ្ទៃពោះកូនភ្លោះ

– ប្រវត្តិរលូតកូន

– មានសញ្ញាគម្រាមកើតមិនគ្រប់ខែ

– ជំងឺលើសឈាម

– ជំងឺទឹកនោមផ្អែម

ខ. ទីកន្លែងដែលមិនគួរធ្វើដំណើរទៅ៖

– ក្នុងតំបន់ពុំមានកន្លែងសំរាកពេទ្យ

– ក្នុងតំបន់ដែលមានជំងឺគ្រុនចាញ់ ជំងឺហ្ស៊ីកា គ្រុនឈាម និងជំងឺឆ្លង

គ. ក្នុងពេលធ្វើដំណើរស្ត្រីត្រូវយកទៅជាមួយនូវ ៖

– ប្រដាប់ស្ទង់កំដៅ

– ថ្នាំ Paracétamol

– ប្រដាប់វាស់ឈាម

ឃ. ការធ្វើដំណើរតាមយន្តហោះ៖

ស្ត្រីអាចធ្វើដំណើរតាមយន្តហោះ (ចំពោះការហោះហើររយៈពេលខ្លី) បានរហូតកូនក្នុងផ្ទៃអាយុ ៧ខែ ឬ ៨ខែ ដោយមានសំបុត្រពេទ្យបញ្ជាក់ពីការប៉ាន់ស្មានថ្ងៃសម្រាល។ ការធ្វើដំណើរតាមយន្តហោះត្រូវហាមឃាត់ក្នុងរយៈពេលខែចុងក្រោយ និង៧ថ្ងៃ ក្រោយសម្រាល។

បងប្អូនស្ត្រីមានផ្ទៃពោះ គួរជៀសវាងការធ្វើដំណើរផ្លូវឆ្ងាយ ដែលអាចបង្កគ្រោះថ្នាក់ផ្សេងៗនៅអំឡុងពេលធ្វើដំណើរ ឬនៅតំបន់ដែលគ្មានមន្ទីរពេទ្យ ៕