យោងទៅតាម American Cancer Society បានឲ្យដឹងថា ក្នុងសហរដ្ឋអាមេរិកមានស្រ្តីម្នាក់ក្នុងចំណោម ៨នាក់កើតជំងឺមហារីកសុដន់។ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)ខណៈពេលដែលយើងមិនបានដឹងអំពីមូលហេតុរបស់ជំងឺនេះ តែកត្តាប្រឈមមុខរបស់ជំងឺនេះមួយចំនួនមានដូចជា៖

  • អាយុច្រើន
  • គ្រួសារធ្លាប់មានប្រវត្តិកើតជំងឺនេះ
  • ហ្សែនដំណរពូជ
  • ធាត់ជ្រុល
  • ញ៉ាំគ្រឿងស្រវឹងខ្លាំង
  • ប៉ះពាល់នឹងកាំរស្មី

ដូច្នេះទើបមានសំណួរសួរថា តើការញ៉ាំកាហ្វេក៏គួរតែជាកត្តាប្រឈមមុខនៃជំងឺនេះដែរឬអត់។ ចំពោះចម្លើយយ៉ាងខ្លីគឺ មិនមែនឡើយ។ 

ក្នុងឆ្នាំ ២០១១ ការសិក្សាដ៏ធំមួយរបស់ Swedish បានរកឃើញថា ការញ៉ាំកាហ្វេមានជាប់ទាក់ទងជាមួយនឹងការថយចុះនៃការប្រឈមនឹងជំងឺមហារីកសុដន់លើស្រ្តីក្រោយរាំងរដូវរួច។ កត្តាដែលនាំឲ្យថយចុះនេះដោយសារតែមិនមានកន្លែងទទួលអ័រម៉ូនអេស្រ្តូជែនរបស់ជំងឺមហារីកសុដន់។ ស្រ្តីដែលញ៉ាំកាហ្វេក្នុងការសិក្សានេះមិនគ្រាន់តែញ៉ាំលេងដើម្បីមើលព័ត៌មាននៅពេលព្រឹកឡើយ។ (អាន:ថ្នាំងងុយគេង ពេលអ្នកគួរប្រើ)ពួកគេញ៉ាំកាហ្វេខ្លាំងតែម្តងរហូតដល់ ៥ពែងក្នុងមួយថ្ងៃឯណោះ។ 

ការវិភាគមួយទៀតក្នុងឆ្នាំ ២០១៣ ដែលមានលក្ខណៈធំ គឺពិនិត្យទៅលើការសិក្សាចំនួន ៣៧ ដែលមានករណីជំងឺមហារីកសុដន់ច្រើនជាង ៥៩០០០នាក់ បានរកឃើញថា វាមិនមានទំនាក់ទំនងអ្វីឡើយរវាងកត្តាប្រឈមនឹងជំងឺមហារីកសុដន់ និងការញ៉ាំកាហ្វេ។ ប៉ុន្តែ ការញ៉ាំកាហ្វេមានជាប់ទាក់ទងនឹងការថយចុះជំងឺមហារីកសុដន់លើស្រ្តីក្រោយរាំងរដូវរួចវិញ។ ការសិក្សាផ្សេងមួយទៀតដែលចុះផ្សាយក្នុងឆ្នាំ ២០១៥ បានបញ្ជាក់អំពីទំនាក់ទមនងរវាងការញ៉ាំកាហ្វេ និងការថយចុះការកើតជំងឺមហារីកសុដន់លើស្រ្តីក្រោរាំងរដូវរួច។ កាហ្វេដែលមានជាតិកាហ្វេអ៊ីនកាន់តែច្រើន ត្រូវបានគេរកឃើញថា អាចបន្ថយការប្រឈមនឹងជំងឺមហារីកវិញ។ ហើយការញ៉ាំកាន់តែច្រើនក៏ធ្វើឲ្យថយចុះការប្រឈមនឹងជំងឺមហារីកសុដន់ថែមទៀតដែរ៕