ថ្លើមគឺជាសរីរាង្គក្នុងបោះមួយដែលធំជាងគេបំផុត ហើយវាក៏ធ្ងន់ជាងគេបំផុតដែរក្នុងចំណោមសរីរាង្គទាំងអស់ក្នុងពោះ។ វាដើរតួនាទីសំខាន់ៗច្រើនណាស់ដូចជា សម្រួលដល់សារធាតុគីមីក្នុងឈាម បង្កើតទឹកប្រមាត់ដើម្បីរំលាយជាតិខ្លាញ់ និងបង្កើតកូឡេស្តេរ៉ុល ប្រូតេអ៊ីនផ្លាស្មាក្នុងឈាម និងកត្តាជំរុញដល់ប្រព័ន្ធភាពស៊ាំ។ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)សម្រាប់មនុស្សធំ ថ្លើមអាចមានទម្ងន់ធ្ងន់ជាង ១.៣គីឡូក្រាមឯណោះ។
ដោយសារតែថ្លើមគឺជាសរីរាង្គដ៏សំខាន់សម្រាប់សុខភាព ដូច្នេះអ្នកគួរតែថែរក្សាវាឲ្យមានសុខភាពល្អតាមរយៈរបៀបដូចខាងក្រោម៖
- រក្សាទម្ងន់ឲ្យនៅសុខភាពល្អ៖ ការឡើងទម្ងន់ខ្លាំងអាចនាំឲ្យមានជំងឺមួយឈ្មោះថា ខ្លាញ់រុំថ្លើមដោយមិនមែនគ្រឿងស្រវឹង
- ហាត់ប្រាណយ៉ាងហោចណាស់ ៣០នាទីក្នុងមួយថ្ងៃ៖ ការហាត់ប្រាណជួយរំលាយជាតិខ្លាញ់ដែលច្រើនហួសដើម្បីបង្កើតជាថាមពល។ រឿងនេះក៏កាត់បន្ថយការកើតជំងឺខ្លាញ់រុំខ្លាញ់។ ទោះបីជាអ្នកមានអារម្មណ៍ថា មិនមានពេល ៣០នាទីហាត់ អ្នកក៏អាចប្រើពេល ១៥នាទីម្តង ដើម្បីហាត់ពីរដង ឬ ១០នាទីដើម្បីហាត់បីដងក្នុងមួយថ្ងៃដែរ
- កុំជក់បារី៖ ការជក់បារីផ្ទុកទៅដោយជាតិពុលច្រើនណាស់ដែលអាចបង្កគ្រោះថ្នាក់ដល់កោសិកាថ្លើម និងកោសិកាផ្សេងៗជាច្រើនក្នុងរាងកាយបាន។ ការផ្តាច់បារីអាចជារឿងពិបាកបំផុត ប៉ុន្តែគ្រូពេទ្យអាចជួយអ្នកបង្កើតជាគម្រោងសម្រាប់អ្នកបាន
- កាត់បន្ថយការញ៉ាំគ្រឿងស្រវឹង៖ បើសិនជាអ្នកពិតជាផឹកគ្រឿងស្រវឹងមែន អ្នកអាចញ៉ាំត្រឹមមួយដងក្នុងមួយថ្ងៃសម្រាប់ស្រ្តី និងបុរសអាចបាន ២ដងក្នុងមួយថ្ងៃ ព្រោះវាជាកម្រិតល្អសម្រាប់សុខភាពថ្លើម។ បើសិនជាអ្នកមានជំងឺមួយដែលប៉ះពាល់ដល់មុខងារថ្លើម គ្រូពេទ្យប្រហែលជាណែនាំឲ្យអ្នកឈប់ញ៉ាំគ្រឿងស្រវឹងតែម្តង។
- ចៀសវាងជាតិពុល៖ សារធាតុគីមីជាច្រើនដូច ទឹកសម្អាត ឬថ្នាំសម្លាប់សត្វល្អិតសុទ្ធតែមានសារធាតុពុលដែលអាចបំផ្លាញសុខភាពថ្លើមបានទាំងអស់។ ដូច្នេះចូរធ្វើការដោយប្រុងប្រយ័ត្នបន្តិចជាមួយនឹងការពាក់ម៉ាស និងស្រោមដៃនៅពេលប្រើប្រាស់
- ការពារប្រឆាំងនឹងការរលាកថ្លើម៖ ជំងឺរលាកថ្លើមប្រភេទ B និង C គឺជាជំងឺថ្លើមដែលអាចធ្វើឲ្យខូចថ្លើមរ៉ាំរ៉ៃបាន។ (អាន:ថ្នាំងងុយគេង ពេលអ្នកគួរប្រើ)ជំងឺនេះច្រើនតែឆ្លងតាមការរួមភេទ ឬប្រើប្រាស់ម្ជុរចាក់ថ្នាំរួមគ្នាជាមួយអ្នកផ្ទុកជំងឺ
- កុំញ៉ាំថ្នាំជាមួយនឹងគ្រឿងស្រវឹង៖ ថ្លើមគឺជាសរីរាង្គមួយដែលច្រោះថ្នាំផង និងគ្រឿងស្រវឹងផង។ បើសិនជាពីរនេះចូលគ្នា រួមទាំងថ្នាំបំប៉នទៀត យកល្អគួរតែទៅជួបគ្រូពេទ្យសិនដើម្បីប្រាកដថា អ្នកមិនបានញ៉ាំថ្នាំលើសកម្រិតទេ។
- ចាក់វ៉ាក់សាំង៖ វ៉ាក់សាំងដែលគេអាចប្រើដើម្បីការពារថ្លើម គឺវ៉ាក់សាំងជំងឺថ្លើមប្រភេទ A និង B៕