រឿងរ៉ាវអស្ចារ្យទាំងនេះនឹងកើតឡើងចំពោះសុខភាព ប្រសិនបើអ្នកទទួលទាន”ខ្ញី”រាល់ថ្ងៃ

ខ្ញី ត្រូវបានចាត់ទុកថាជាផ្នែកមួយនៃឱសថបុរាណរាប់ឆ្នាំមកហើយតាមរយៈសមាសធាតុសំខាន់ៗដែលវាមានផ្ទុក។ (អាន ៖ ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?) ហើយអ្នកនឹងទទួលបានអត្ថប្រយោជន៍ពីបន្លែមើមនេះទ្វេដង ប្រសិនបើព្យាយាមទទួលទានរាល់ថ្ងៃ។ ចំពោះអ្នកដែលមិនចូលចិត្តទទួលទានខ្ញីវិញ ក៏ប្រហែលជានឹងប្ដូរចិត្តដែរក្រោយអានអត្ថបទនេះរួច! ថ្ងៃនេះវេបសាយសុខភាព Health.com.kh នឹងបង្ហាញឱ្យដឹងពីអត្ថប្រយោជ​ន៍ដ៏អស្ចារ្យនៃការទទួលទានខ្ញី ៖

១. បង្កើនសុខភាពបេះដូង

ការទទួលទានខ្ញីអាចជួយបញ្ចុះកម្រិតនៃកូឡេស្តេរ៉ូលមិនល្អដែលជាសត្រូវធំបំផុតរបស់បេះដូង។ កម្រិតនៃកូឡេស្តេរ៉ូលទាបនឹងកាត់បន្ថយហានិភ័យនៃជំងឺលើសឈាម, ជំងឺដាច់សសៃឈាមខួរក្បាល ជាពិសេសនោះ គឺជំងឺបេះដូង។

២. ព្យាបាលទប់ស្កាត់ជំងឺផ្ដាសាយ

ប្រសិនបើអ្នកទទួលទានខ្ញីរាល់ថ្ងៃ អ្នកនឹងមិនងាយកើតជំងឺផ្ដាសាយឡើយ។ ខ្ញី មានផ្ទុកសម្បូរទៅដោយសារធាតុប្រឆាំងអុកស៊ីតកម្ម និងលក្ខណៈសម្បត្តិប្រឆាំងការរលាក រួមបញ្ចូលទាំងសមាសធាតុសកម្មបំផុតហៅថា gingerols ជួយកាត់បន្ថយហានិភ័យនៃការឆ្លងមេរោគ។

៣. បំបាត់អាការៈចង្អោរចង់ក្អួត

មិនថាអ្នកកំពុងមានផ្ទៃពោះ ឬក៏អត់ គឺការទទួលទានខ្ញីជួយបំបាត់អាការៈចង្អោរចង់ក្អួតបានយ៉ាងប្រសើរ។

៤. បំបាត់បញ្ហាផ្សេងៗទាក់ទងនឹងក្រពះ

រាល់បញ្ហាទាក់ទងនឹងក្រពះចាប់ពីហើមពោះដល់ពិបាករំលាយអាហារ គឺខ្ញីអាចជួយដោះស្រាយបានទាំងអស់។ ការទទួលទានខ្ញីក៏ជួយកាត់បន្ថយហានិភ័យនៃជំងឺក្រពះពោះវៀន និងរាគរូសផងដែរ។

៥. ព្យាបាលអាការៈឈឺក្បាលប្រកាំង

ប្រសិនបើអ្នកឧស្សាហ៍ជួបប្រទះអាការៈឈឺក្បាលប្រកាំង នោះឪសថព្យាបាលបែបធម្មជាតិដ៏ល្អបំផុត គឺជាខ្ញីនេះឯង។ ខ្ញី ជួយទប់ស្កាត់សមាសធាតុដែលបង្កការរលាកក្នុងសសៃឈាមនៃខួរក្បាល។

៦. ជួយអោយស្រកទម្ងន់ឆាប់រហ័ស

ខ្ញី មានសមត្ថភាពបង្កើនការរំលាយអាហារ និងពន្លឿនការដុតរំលាយអាហារក្នុងរាងកាយដែលប្រសើរបំផុតជួយក្នុងការសម្រកទម្ងន់។ ការទទួលទានខ្ញី ឬទឹកខ្ញីនៅពេលព្រឹកជួយកាត់បន្ថយចំណង់អាហារគួរឱ្យកត់សម្គាល់។

ក្រៅពីអត្ថប្រយោជន៍ដែលបានរៀបរាប់ខាងលើនេះ ខ្ញី ក៏អាចជួយបង្កើនចំណង់ផ្លូវភេទ, ធ្វើឲ្យខ្យល់ដង្ហើមស្រស់ថ្លា និងកាត់បន្ថយបញ្ហាដំណេកផងដែរ៕