ថ្លើម គឺជាសរីរាង្គដ៏សំខាន់ដែលដើរតួជា “តម្រង” កម្ចាត់ជាតិពុលចេញពីរាងកាយ។ ប៉ុន្តែដោយសារទម្លាប់ទទួលទានអាហារមិនល្អ បញ្ហា «ខ្លាញ់រុំថ្លើម» បានក្លាយជាក្តីបារម្ភធំ។ កុំបារម្ភ! អាហារធម្មជាតិ ៣ មុខនេះ អាចជួយបន្សាបជាតិពុល និងកម្ចាត់ខ្លាញ់ចេញពីថ្លើមបានយ៉ាងប្រសើរ៖
១. បន្លែ Cruciferous (ក្រុមស្ពៃក្តោប និងផ្កាខាត់ណា)
បន្លែ Cruciferous មិនត្រឹមតែរួមមាន ស្ពៃក្តោប, ប្រ៊ុចសែល, ស្ពៃក្តោបពណ៌ស្វាយ, និងផ្កាខាត់ណាទេ តែវាក៏រួមបញ្ចូលផ្កាខាត់ណាខៀវ ដែលជាកំពូលអាហារដ៏ល្បីល្បាញផងដែរ។
- កាត់បន្ថយការរលាក: បន្លែប្រភេទនេះផ្ទុកនូវសារធាតុសំខាន់ៗដែលជួយកាត់បន្ថយការរលាករ៉ាំរ៉ៃក្នុងរាងកាយ។
- គ្រប់គ្រងជាតិស្ករ: វាមានជាតិកាបូអ៊ីដ្រាតទាប ដូច្នេះវាជួយកាត់បន្ថយភាពធន់នឹងអាំងស៊ុយលីន ដែលជាកត្តាបង្កឲ្យមានជំងឺទឹកនោមផ្អែម និងខ្លាញ់រុំថ្លើម។ ការកាត់បន្ថយការរលាក និងជាតិស្ករ គឺមានសារៈសំខាន់បំផុតសម្រាប់សុខភាពថ្លើម។
២. ផ្សិត
ផ្សិតគ្រប់ប្រភេទដែលអាចបរិភោគបាន គឺជាកំពូលអាហារសម្រាប់ថ្លើម!
- ស្តុកនូវ Glutathione ខ្ពស់: ផ្សិតផ្ទុកនូវសារធាតុ Glutathione ខ្ពស់បំផុត ដែលត្រូវបានគេចាត់ទុកថាជា “សារធាតុប្រឆាំងអុកស៊ីតកម្មដ៏ខ្លាំងក្លា” របស់រាងកាយ។
- ការពារថ្លើម: Glutathione នេះមានតួនាទីកាត់បន្ថយជាតិពុលក្នុងថ្លើម និងដើរតួជាខែលការពារកោសិកាថ្លើមមិនឲ្យរលាក ឬខូចខាត។
- ស្តារសុខភាព៖ នៅពេលទទួលទានក្នុងបរិមាណសមស្រប និងជាប្រចាំ ថ្លើមអាចស្តារសុខភាពឡើងវិញ និងធ្វើឱ្យមុខងាររបស់វាប្រសើរឡើងដោយខ្លួនឯង។
៣. ខ្ទឹម
ខ្ទឹមសមិនមែនត្រឹមតែជាគ្រឿងទេសទេ តែវាជាឱសថព្យាបាលរាប់មុខតាំងពីបុរាណកាលមកម្ល៉េះ។
- កម្ចាត់ខ្លាញ់ចេញពីថ្លើម៖ ខ្ទឹមសអាចជួយកាត់បន្ថយបរិមាណខ្លាញ់ដែលប្រមូលផ្តុំក្នុងថ្លើមយ៉ាងសំខាន់ និងជួយកាត់បន្ថយសម្ពាធឈាម។
- ថ្នាំសំលាប់មេរោគធម្មជាតិ៖ វាមានលក្ខណៈសម្បត្តិជាថ្នាំសំលាប់មេរោគធម្មជាតិ ការពារប្រឆាំងនឹងបាក់តេរី មេរោគ និងផ្សិត។
- ការពារមហារីក៖ ការទទួលទានខ្ទឹមសជាប្រចាំ ក៏ត្រូវបានផ្សារភ្ជាប់ជាមួយនឹងការកាត់បន្ថយហានិភ័យនៃជំងឺមហារីកជាច្រើនប្រភេទផងដែរ។
សេចក្តីសន្និដ្ឋាន: ការបន្ថែមអាហារទាំង ៣ មុខនេះទៅក្នុងរបបអាហារប្រចាំថ្ងៃ គឺជាវិធានការដ៏សាមញ្ញ ប៉ុន្តែមានឥទ្ធិពលបំផុតក្នុងការការពារ និងព្យាបាលថ្លើមរបស់អ្នកពីបញ្ហាខ្លាញ់រុំថ្លើម ព្រមទាំងជួយបន្សាបជាតិពុលទូទៅក្នុងរាងកាយ៕
(ប្រភព៖ បរទេស)