ត្រកួន គឺជាបន្លែទឹកដ៏ពេញនិយម និងមានរសជាតិឆ្ងាញ់ ដែលត្រូវបានគេស្គាល់យ៉ាងទូលំទូលាយនៅក្នុងតំបន់អាស៊ី ជាពិសេសគឺក្នុងចំណោមប្រជាជនថៃ និងនៅកម្ពុជាយើងផ្ទាល់។ ក្រៅពីភាពងាយស្រួលក្នុងការចម្អិន និងភាពស្រស់ស្រាយ ត្រកួនក៏ជាបន្លែដែលផ្ទុកនូវគុណប្រយោជន៍ដ៏អស្ចារ្យជាច្រើនសម្រាប់សុខភាពផងដែរ។
១. ប្រភពប្រូតេអ៊ីនធម្មជាតិ
ត្រកួនមិនមែនត្រឹមតែជាជាតិសរសៃនោះទេ តែវាក៏ជាប្រភពប្រូតេអ៊ីនដ៏ល្អមួយដែរ។ ត្រកួន ១០០ ក្រាម អាចផ្ដល់នូវប្រូតេអ៊ីនជាមធ្យមរហូតដល់ ២,៥ ក្រាម ដែលជាសារធាតុចិញ្ចឹមសំខាន់ជួយដល់ការលូតលាស់ និងការជួសជុលកោសិកាសាច់ដុំក្នុងរាងកាយ។
២. កំពូលសារធាតុ Chlorophyll
ត្រកួនសម្បូរទៅដោយសារធាតុ Chlorophyll ដែលជាសារធាតុពណ៌បៃតងនៅក្នុងរុក្ខជាតិ។ Chlorophyll ត្រូវបានគេស្គាល់ថាមានតួនាទីជួយបន្សុទ្ធឈាម ជំរុញការផលិតគ្រាប់ឈាមក្រហម និងដើរតួជាសារធាតុប្រឆាំងអុកស៊ីតកម្ម (Antioxidant) ដ៏មានប្រសិទ្ធភាព។
៣. អាថ៌កំបាំងនៃការគ្រប់គ្រងជាតិស្ករឈាម
ចំណុចសំខាន់បំផុតរបស់ត្រកួនគឺសមត្ថភាពពិសេសក្នុងការជួយកាត់បន្ថយកម្រិតជាតិស្ករក្នុងឈាម។ យោងតាមការសិក្សា ត្រកួនមានឥទ្ធិពលជួយបង្កើនមុខងារអាំងស៊ុយលីន ឬបន្ថយល្បឿននៃការស្រូបយកជាតិស្ករ ធ្វើឱ្យវាជាបន្លែមួយដែលល្អបំផុតសម្រាប់អ្នកដែលមានបញ្ហាជាតិស្ករខ្ពស់ ឬអ្នកជំងឺទឹកនោមផ្អែម ដែលចង់រក្សាបាននូវតុល្យភាពសុខភាព។
ដូច្នេះ កុំមើលរំលងអត្ថប្រយោជន៍នៃបន្លែដ៏សាមញ្ញនេះ! ការបន្ថែមត្រកួនទៅក្នុងរបបអាហារប្រចាំថ្ងៃ គឺជាជំហានដ៏ឈ្លាសវៃមួយដើម្បីទទួលបានទាំងរសជាតិឆ្ងាញ់ និងសុខភាពមាំមួន ជាពិសេសសម្រាប់អ្នកដែលចង់ថែរក្សាកម្រិតជាតិស្ករក្នុងឈាមឲ្យស្ថិតក្នុងកម្រិតធម្មតា៕
(ប្រភព៖ បរទេស)