ជំងឺខ្សោយតម្រងនោមកម្រិតធ្ងន់ (សមត្ថភាពច្រោះតិចជាង $30ml/mn/1.73m^2$) មិនត្រឹមតែតម្រូវឲ្យប្រើប្រាស់ថ្នាំតាមវេជ្ជបញ្ជាប៉ុណ្ណោះទេ តែតម្រូវឲ្យមានការប្រុងប្រយ័ត្នខ្ពស់បំផុតលើរបបអាហារ ដើម្បីជៀសវាងគ្រោះថ្នាក់ដែលគំរាមកំហែងដល់ជីវិត ដូចជា ការឡើងសម្ពាធឈាមភ្លាមៗ ហើមសួត ឬវិបត្តិចលនាបេះដូងធ្ងន់ធ្ងរ។
ប្រសិនបើអ្នកមានជំងឺនេះ សូមចងចាំនិងជៀសវាងអាហារទាំងនេះភ្លាមៗ៖
១. ជាតិអំបិល (សូដ្យូម)
- កម្រិតកំណត់៖ មិនត្រូវបរិភោគអំបិលឲ្យលើសពី ៥ក្រាម ក្នុងអាហារសរុបប្រចាំថ្ងៃដាច់ខាត។
- អាហារហាមឃាត់៖ សូមជៀសវាងអាហារណាដែលប្រៃខ្លាំងដូចជា ប្រហុក ផ្អក ឆៃប៉ូវ ឬគ្រឿងទេសប្រៃផ្សេងៗទៀត។
២. សារធាតុប៉ូតាស្យូម
- មូលហេតុគ្រោះថ្នាក់៖ ការទទួលទានអាហារដែលមានជាតិប៉ូតាស្យូមខ្ពស់ អាចបង្កគ្រោះថ្នាក់ ធ្ងន់ធ្ងរដល់ចលនាបេះដូង ចំពោះអ្នកជំងឺតម្រងនោមធ្ងន់ធ្ងរ។
- អាហារដែលត្រូវចៀសវាង៖
- ផ្លែឈើពិសេស៖ ចេក ក្រូច ផ្លែប័រ និង ផ្លែដូង ។
- ភេសជ្ជៈ៖ ទឹកផ្លែឈើ ឬភេសជ្ជៈមួយចំនួន។
៣. សារធាតុខ្លាញ់
- ចំណុចសំខាន់៖ ត្រូវកាត់បន្ថយការទទួលទានសារធាតុខ្លាញ់ ជាពិសេសខ្លាញ់ដែលមានប្រភពមកពី សត្វ។
៤. សារធាតុផូស្វ័រ
- ការប្រុងប្រយ័ត្ន៖ ត្រូវកាត់បន្ថយ ឬជៀសវាងទាំងស្រុងនូវអាហារដែលមានផ្ទុកសារធាតុ ផូស្វ័រ។
ដំបូន្មានសំខាន់៖ ការប្រុងប្រយ័ត្នលើរបបអាហារ គឺជាកាតព្វកិច្ចរបស់អ្នកជំងឺដើម្បីជៀសវាងការខ្សោយតម្រងនោមធ្ងន់ធ្ងរលើសដើម។ សូមពិគ្រោះជាមួយគ្រូពេទ្យជំនាញជានិច្ចមុននឹងផ្លាស់ប្ដូររបបអាហារ៕
ប្រភព៖ មន្ទីរពេទ្យកាល់ម៉ែត