ជំងឺហឺត គឺជាជំងឺរ៉ាំរ៉ៃនៃផ្លូវដង្ហើមដែលបណ្តាលឱ្យរលាក និងរួមតូចនៃផ្លូវដង្ហើម។ រោគសញ្ញានៃជំងឺនេះអាចលេចឡើងខុសៗគ្នាចំពោះមនុស្សម្នាក់ៗ ប៉ុន្តែរោគសញ្ញាទូទៅដែលគួរប្រុងប្រយ័ត្នមានដូចជា៖
- ហត់: មានអារម្មណ៍ថាដង្ហើមខ្លី ឬហត់នឿយខ្លាំង។
- ពិបាកដកដង្ហើមចេញ: នៅពេលដកដង្ហើមចេញ អាចឮសំឡេង ងឺតៗ (Wheezing) ដូចសំឡេងឆ្មាស្រែក។
- ក្អក: ក្អកញឹកញាប់ ជាពិសេសនៅពេល យប់ ឬនៅពេលដែលប្រឈមនឹង អាកាសធាតុត្រជាក់។
- ណែនទ្រូង: មានអារម្មណ៍ថា តឹង ឬ ណែន នៅបរិវេណទ្រូង។
- ផ្តាសាយញឹកញាប់: ងាយរងគ្រោះនឹងជំងឺផ្តាសាយ ឬជំងឺផ្លូវដង្ហើមផ្សេងៗ។
ប្រសិនបើលោកអ្នក ឬក្រុមគ្រួសារមានរោគសញ្ញាទាំងនេះ គួរតែទៅពិគ្រោះជាមួយគ្រូពេទ្យឯកទេសដើម្បីធ្វើការពិនិត្យ និងគ្រប់គ្រងជំងឺហឺតឲ្យបានត្រឹមត្រូវ៕
(ប្រភព៖ មន្ទីរពេទ្យកាល់ម៉ែត)