តើអ្នកដឹងទេថា ផ្លែល្ហុងដែលអ្នកចូលចិត្តទទួលទានជាប្រចាំ មិនត្រឹមតែជាអាហារសម្រន់ដ៏មានប្រយោជន៍សម្រាប់ការពារជំងឺប៉ុណ្ណោះទេ តែថែមទាំងជា «ឃ្លាំងសម្បត្តិ» សម្រាប់សុខភាពស្បែកទៀតផង?
ផ្លែល្ហុងជាវីរបុរសប្រឆាំងភាពចាស់
អាថ៌កំបាំងដ៏សំខាន់របស់ផ្លែល្ហុង គឺស្ថិតនៅលើវត្តមានដ៏សម្បូរបែបនៃសារធាតុចិញ្ចឹមសំខាន់ៗពីរប្រភេទ គឺ វីតាមីន C និង Lycopene។
- វីតាមីន C (Vitamin C): សារធាតុដ៏មានឥទ្ធិពលនេះ មានតួនាទីជា “កូនសោមាស” ក្នុងការជួយជំរុញឲ្យរាងកាយយើងអាចផលិតសារធាតុ ខូឡាជែន (Collagen) នៅក្នុងស្បែកបានកាន់តែច្រើន។ ខូឡាជែន គឺជាប្រូតេអ៊ីនដែលជួយរក្សាភាពតឹងណែន យឺត និងរលោងរបស់ស្បែក។ ដូច្នេះ វីតាមីន C ពីផ្លែល្ហុង ជួយកាត់បន្ថយភាពខូចខាតរបស់ស្បែកដែលវិវឌ្ឍន៍ទៅតាមវ័យ និងធ្វើឲ្យអ្នកមើលទៅ ក្មេងជាងវ័យ។
- Lycopene: ជាសារធាតុប្រឆាំងអុកស៊ីតកម្មដ៏ខ្លាំងក្លាមួយដែលជួយការពារកោសិកាស្បែកពីការបំផ្លាញដោយរ៉ាឌីកាល់សេរី ដែលជាមូលហេតុនាំឲ្យកើតស្នាមជ្រួញ និងភាពស្រអាប់។
ជាសរុប ការទទួលទានផ្លែល្ហុងជាប្រចាំ មិនត្រឹមតែជួយដល់សុខភាពរាងកាយពីខាងក្នុងប៉ុណ្ណោះទេ តែថែមទាំងផ្តល់នូវផលប្រយោជន៍ដ៏អស្ចារ្យមួយគឺការជួយឲ្យស្បែករបស់អ្នក ភ្លឺថ្លា រលោង និងកាត់បន្ថយភាពជ្រួញ បានយ៉ាងល្អប្រសើរ៕
(ប្រភព៖ បរទេស)