ផ្លែស្រកានាគ មិនត្រឹមតែមានរូបរាងស្រស់ស្អាតនោះទេ តែជាប្រភេទផ្លែឈើដែលផ្ដល់អត្ថប្រយោជន៍ដ៏សម្បូរបែបដល់សុខភាពផ្លូវកាយ។ គុណសម្បត្តិរបស់វាមានតួនាទីសំខាន់ទាំងការគ្រប់គ្រងទម្ងន់ និងមុខងារសរីរាង្គសំខាន់ៗ។
១. ជាតិសរសៃ៖ គន្លឹះនៃការសម្រកគីឡូ និងសុខភាពរំលាយអាហារ
ផ្លែស្រកានាគសម្បូរទៅដោយ ជាតិសរសៃច្រើន។ (ផ្លែស្រកានាគ ២០០ ក្រាម មានផ្ទុកជាតិសរសៃ ៧ ក្រាម)
- ជួយគ្រប់គ្រងទម្ងន់៖ ជាតិសរសៃជួយ ពន្យឺតដំណើររំលាយអាហារ ធ្វើឲ្យអ្នកមានអារម្មណ៍ ឆ្អែតបានយូរ និងមិនសូវឃ្លាន។ នេះជាផ្នែកមួយសំខាន់នៃរបបអាហារសុខភាពសម្រាប់អ្នកចង់ សម្រកគីឡូ ឬរក្សាគីឡូឲ្យនៅថេរ។
- ជំនួយប្រព័ន្ធរំលាយអាហារ៖ ជាតិសរសៃជួយទ្រទ្រង់ដល់មុខងារប្រព័ន្ធរំលាយអាហារឲ្យដំណើរការបានល្អ។
- សុខភាពបេះដូង៖ ជួយថែរក្សាសុខភាពសរសៃឈាមបេះដូងឲ្យរឹងមាំ។
២. ម៉ាញ៉េស្យូម៖ ពង្រឹងមុខងារកោសិកា និងប្រព័ន្ធប្រសាទ
ផ្លែស្រកានាគក៏មានផ្ទុកនូវ ជាតិម៉ាញ៉េស្យូម មកជាមួយផងដែរ។ (បរិមាណស្រកានាគ ១៧០ ក្រាម មានម៉ាញ៉េស្យូម ៦៨ មិល្លីក្រាម)
- មុខងារកោសិកា៖ ម៉ាញ៉េស្យូមជួយទៅដល់មុខងារកោសិកាក្នុងរាងកាយឲ្យដំណើរការរាប់ពាន់មុខងារ។
- ចរន្ដឈាម និងប្រព័ន្ធប្រសាទ៖ ម៉ាញ៉េស្យូមជួយ រក្សាចរន្ដឈាម ឲ្យដំណើរការល្អ ជំនួយមុខងារ ប្រព័ន្ធប្រសាទ, បេះដូង និង កោសិកាសាច់ដុំ ទៀតផង៕
(ប្រភព៖ បរទេស)