ជួយចែករំលែក! សម្អាតសួតបានយ៉ាងប្រសើរ ដោយគ្រាន់តែទទួលទានភេសជ្ជៈបែបធម្មជាតិនេះ

ជាញឹកញយបញ្ហាសួតពោរពេញទៅដោយជាតិពុល ឬជាតិជ័រ tar គឺបណ្ដាលមកពីការជក់បារី។ មិនថាអ្នកបានឈប់ជក់បារី ឬមិនទាន់ក៏ដោយ ក៏ឱកាសដែលសួតត្រូវរុំស្រោមដោយជាតិជ័រ tar នៅតែមានខ្ពស់។ នេះ គឺជាការពិតសម្រាប់អ្នកដែលទើបតែជក់បារីអស់រយៈពេលតិចជាងមួយឆ្នាំ។ (អាន ៖ ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?) អ្នកដែលជក់បារីច្រើនហួសកម្រិតនឹងជួបប្រទះនូវអាការៈឈឺទ្រូងដោយសារការស្ទះនៅក្នុងសួត ហើយយូរៗទៅបង្កជាជំងឺមហារីកដែលមិនត្រឹមតែនៅក្នុងសួតប៉ុណ្ណោះទេ ប៉ុន្តែក៏រួមទាំងមាត់ និងបំពង់កផងដែរ។ គួរធ្វើយ៉ាងណាទៅ? កុំបារម្ភ! ដើម្បីដោះស្រាយបញ្ហាអ្នកត្រូវសម្អាតសួតដោយការកម្ចាត់នូវសារធាតុពុល ឬជាតិជ័រ Tar ចេញ។ ខាងក្រោមវេបសាយសុខភាព Health.com.kh នឹងបង្ហាញឱ្យដឹងពីរូបមន្តបែបធម្មជាតិកម្ចាត់ជាតិជ័រនៃបារីចេញពីសួត ហើយផ្ដល់ឱ្យសួតនូវសុខភាពល្អជៀសផុតពីរោគឆ្លង និងសូម្បីតែជំងឺមហារីក ៖

១. គ្រឿងផ្សំសំខាន់

– ខ្ញី ៖ មានសមត្ថភាពកម្ចាត់ស្លេស ឬជាតិរំអិលដែលលើសក្នុងសួត។ ខ្ញីក៏មានលក្ខណៈសម្បត្តិព្យាបាល និងកម្ចាត់ជាតិពុលផ្សេងៗដែលមានក្នុងបំពង់ផ្លូវដង្ហើមផងដែរ។

– ខ្ទឹមបារាំង ៖ ជួយទប់ស្កាត់បញ្ហាផ្លូវដង្ហើមផ្សេងៗ រួមទាំងប្រយុទ្ធប្រឆាំងនឹងជំងឺមហារីកផងដែរ។

– រមៀត ៖ ជាប្រភពដ៏ប្រសើរនៃសារធាតុ​curcumin, អាស៊ីតខ្លាញ់អូមេហ្គា ៣, វីតាមីន និងជាតិរ៉ែចាំបាច់ដែលជួយប្រយុទ្ធប្រឆាំងបាក់តេរី, វីរុស និងជំងឺមហារីក។

២. របៀបធ្វើ 

អ្វីដែលត្រូវការ គឺ ខ្ទឹមបារាំង ៤០០ក្រាម, ខ្ញី ១ មើមតូច (ចិតសំបកចេញ), ទឹកឃ្មុំ ៤០០ ក្រាម, ទឹកធម្មតា ១ លីត្រ និងម្ស៉ៅរមៀត ២ ស្លាបព្រាបាយ។

អ្វីដែលអ្នកត្រូវធ្វើ គឺបន្ថែមទឹកឃ្មុំចូលក្នុងទឹកធម្មតា រួចយកទៅដាក់ដាំ។ នៅពេលពុះ ហាន់ខ្ទឹមបារាំង និងមើមខ្ញីដាក់ចូល។ បន្ថែមម្ស៉ៅរមៀត នៅពេលពុះម្ដងទៀត ហើយចាប់ផ្ដើមបន្ថយកម្ដៅ។ រម្ងាស់រហូតដល់ទឹករីងសល់ត្រឹមពាក់កណ្ដាលសឹមបិទភ្លើង។ បន្ទាប់មកត្រងយកកាកចេញ ហើយចាក់ទឹកល្បាយចូលក្នុងក្រឡមានគ្របបិទជិត និងទុកឱ្យចុះត្រជាក់សិន សឹមដាក់ចូលក្នុងទូរទឹកកកជាការស្រេច។ ទទួលទានភេសជ្ជៈសម្អាតសួតបែបធម្មជាតិនេះឱ្យបាន ២ ស្លាបព្រាបាយជារៀងរាល់ព្រឹកនៅពេលពោះទទេរមិនទាន់ទទួលទានអ្វីផ្សេង។ ហើយកុំភ្លេចទទួលទាន ២ ស្លាបព្រាបាយទៀតក្នុងពេលល្ងាចរយៈពេល ២ ម៉ោង មុនពេលអាហារ៕