តើអ្នកធ្លាប់ភ្ញាក់ពីដំណេកនៅពេលព្រឹក ហើយមានអារម្មណ៍ថា រសជាតិជូរចត់ ឬស្ងួតក្នុងមាត់ ដែរឬទេ? នេះមិនមែនជាសញ្ញាធម្មតាទេ! រសជាតិមិនល្អនេះ អាចជាការព្រមានដ៏ធ្ងន់ធ្ងរមួយដែលបង្ហាញថា ក្រពះរបស់អ្នកកំពុងមានបញ្ហា។
បញ្ហាទាំងនេះច្រើនកើតឡើងដោយសារទម្លាប់រស់នៅ និងការបរិភោគមិនត្រឹមត្រូវរបស់យើង។ សូមឈ្វេងយល់ពីមូលហេតុដែលនាំឲ្យមានអាការៈទាំងនេះ និងរបៀបការពារ៖
១. មូលហេតុចម្បងដែលក្រពះមានបញ្ហានៅពេលយប់
នៅពេលអ្នកចូលគេង ក្រពះរបស់អ្នកក៏ត្រូវសម្រាកដែរ។ ប៉ុន្តែទម្លាប់អាក្រក់មួយចំនួនបង្កឲ្យមានការផលិតអាស៊ីតច្រើនលើសលប់ និងរំខានដល់ដំណើរការធម្មតានៃក្រពះ៖
- ការញ៉ាំអាហារមិនទៀងទាត់៖ ធ្វើឲ្យក្រពះពិបាកកំណត់ពេលវេលាផលិតអាស៊ីត។
- ការញ៉ាំច្រើនហួសហេតុ៖ ជាពិសេសមុនពេលចូលគេង ដែលបង្កើនបន្ទុកការងាររបស់ក្រពះ។
- អាហាររសជាតិខ្លាំង: ដូចជា ហឹរខ្លាំងពេក ឬ ជូរពេក ដែលធ្វើឲ្យស្រទាប់ក្រពះរលាក។
កត្តាទាំងនេះអាចបណ្តាលឲ្យមានការខូចខាតធ្ងន់ធ្ងរដូចជា ក្រពះមិនរំលាយអាហារ, ដំបៅនៃស្រទាប់ក្រពះ ឬធ្ងន់ធ្ងរជាងនេះគឺ ជំងឺច្រាលអាស៊ីតក្រពះ។
២. អាថ៌កំបាំងនៃការច្រាលអាស៊ីតនៅពេលគេង
រោគសញ្ញាដ៏គួរឲ្យកត់សម្គាល់បំផុតនៃការមានបញ្ហាក្រពះនៅពេលយប់ គឺ ការច្រាលក្រពះ។
- កើតឡើងពេលគេង: នៅពេលដែលអ្នកដេកផ្អៀង ឬដេកនៅពេលយប់ អាស៊ីត និងទឹកក្រពះអាចច្រាលឡើងតាមបំពង់អាហារយ៉ាងងាយស្រួល។
- រោគសញ្ញានៅពេលភ្ញាក់ពីគេង: អាស៊ីតដែលច្រាលឡើងអំឡុងពេលអ្នកគេង ធ្វើឲ្យបំពង់អាហារ និងមាត់របស់អ្នកស្ងួត ហើយបន្សល់ទុកនូវ រសជាតិជូរចត់ គួរឲ្យរំខាននៅពេលអ្នកភ្ញាក់នៅថ្ងៃបន្ទាប់។
៣. តើគួរធ្វើដូចម្តេចដើម្បីការពារក្រពះ?
ដើម្បីការពារក្រពះរបស់អ្នក និងជៀសវាងរសជាតិជូរចត់ពេលព្រឹក សូមអនុវត្តន៍គន្លឹះងាយៗទាំងនេះ៖
- ញ៉ាំអាហារទៀងទាត់: ត្រូវកំណត់ម៉ោងញ៉ាំអាហារឲ្យបានច្បាស់លាស់។
- ជៀសវាងអាហារខ្លាំង: កាត់បន្ថយអាហារហឹរ ជូរ ឬអាហារដែលមានជាតិខ្លាញ់ខ្ពស់ ជាពិសេសពេលយប់។
- កុំញ៉ាំមុនគេង: គួរញ៉ាំអាហារពេលល្ងាចយ៉ាងហោចណាស់ ៣ ម៉ោងមុន ពេលចូលគេង។
- រក្សាទីតាំងក្បាលឲ្យខ្ពស់: អ្នកអាចប្រើខ្នើយកល់ខ្លួន ឬខ្នើយកល់ក្បាលឲ្យខ្ពស់បន្តិចពេលគេង ដើម្បីទប់ស្កាត់ការច្រាលអាស៊ីត។
សូមកុំបណ្តោយឲ្យក្រពះអ្នករងទុក្ខទៀត! បើអាការៈរសជាតិជូរចត់នេះនៅតែបន្តកើតមានជាប់រហូត សូមប្រញាប់ទៅពិគ្រោះជាមួយគ្រូពេទ្យជំនាញដើម្បីធ្វើរោគវិនិច្ឆ័យ និងទទួលការព្យាបាលទាន់ពេលវេលា។
(ប្រភព៖ បរទេស)