ចង់ឲ្យធ្មេញស បែបធម្មជាតិ វិធីនេះមានប្រសិទ្ធភាពខ្ពស់

ប្រសិនជាអ្នកចង់ឲ្យធ្មេញស ដោយមិនប្រើថ្នាំដែលអាចធ្វើឲ្យខូចធ្មេញ វិធីទាំងនេះអាចជួយអ្នកបានយ៉ាងងាយ។ តើមានអ្វីខ្លះទៅ?

• ក្រោយពេលដែលអ្នកញ៉ាំអាហារផ្សេងៗរួច គួរតែខ្ពល់មាត់ ទើបសំណល់នៃអាហារទាំងនោះមិនបន្សល់ទុកលើធ្មេញរបស់អ្នក ធ្វើឲ្យធ្មេញនោះយូរទៅប្រែជាលឿង។ ដូចនេះ អ្នកគួរតែខ្ពល់មាត់ចេញក្រោយពេលពិសារបាយរួច។

• អ្នកគួរតែបរិភោគបន្លែបៃតងឲ្យបានច្រើន ព្រោះក្នុងនោះមានសារធាតុដែលអាចជួយការពារធ្មេញរបស់អ្នកមិនឲ្យឡើងលឿងនោះទេ។

• ការញ៉ាំកាហ្វេច្រើនអាចធ្វើឲ្យធ្មេញរបស់អ្នកប្រែពណ៌បាន។ ដូចនេះ ក្នុងពេលដែលអ្នកញ៉ាំកាហ្វេ អាចបន្ថែមទឹកដោះគោ ទើបធ្មេញរបស់អ្នកមិនលឿងទៅៗ អាក្រក់មើលខ្លាំងណាស់។

• នៅពេលដែលអ្នកពិសារភេសជ្ជៈអ្វីមួយ គួរតែប្រើបំពង់ប៊ឺត ទើបអាចការពារធ្មេញរបស់អ្នកសស្អាត មិនធ្វើឲ្យធ្មេញឆាប់លឿង។ ដូចនេះ អ្នកអាចសាកល្បងប្រើវិធីទាំងនេះបា​ន ដើម្បីធ្វើឲ្យធ្មេញរបស់អ្នកស៕