តើអ្នកធ្លាប់គិតថា គ្រាប់ឈូក គ្រាន់តែជាអាហារសម្រាប់លេងមាត់? តាមពិតទៅ គ្រាប់ធញ្ញជាតិដ៏តូចមួយនេះផ្ទុកទៅដោយថាមពល និងជីវជាតិដ៏អស្ចារ្យដែលអាចជួយថែរក្សាសុខភាពទូទៅរបស់អ្នក រួមទាំងប្រយុទ្ធប្រឆាំងនឹងជំងឺធ្ងន់ធ្ងរផងដែរ។
សូមឈ្វេងយល់ពីអត្ថប្រយោជន៍ដ៏អស្ចារ្យទាំង ៦ ដែលអ្នកនឹងទទួលបានពីការបរិភោគគ្រាប់ឈូក៖
១. ជំនួយការដ៏ពូកែសម្រាប់ការសម្រកទម្ងន់
ប្រសិនបើអ្នកកំពុងព្យាយាម គ្រប់គ្រងគីឡូ គ្រាប់ឈូកគឺជាជម្រើសដ៏ល្អ។
- ឆ្អែតបានយូរ: វាជាគ្រាប់ធញ្ញជាតិដែលមាន ជាតិសរសៃខ្ពស់ ជួយឲ្យអ្នកមានអារម្មណ៍ឆ្អែតបានយូរអង្វែង។
- កាឡូរីទាប: ការទទួលទានជាអាហារសម្រន់ជួយកាត់បន្ថយចំណង់អាហារ និង ការពារអ្នកពីការញ៉ាំច្រើនជ្រុល ដែលធ្វើឲ្យការទទួលទានកាឡូរីប្រចាំថ្ងៃរបស់អ្នកមិនហក់ឡើងខ្លាំង។
២. ប្រឆាំងភាពចាស់ ថែរក្សាសម្រស់ស្បែក
ចង់បានស្បែកក្មេងជាងវ័យមែនទេ? គ្រាប់ឈូកមានផ្ទុកនូវអង់ស៊ីមដ៏ពិសេសឈ្មោះថា L-isoaspartyl methyltransferase ដែលជាអង់ស៊ីមមានសមត្ថភាព៖
- ជួសជុលប្រូតេអ៊ីនខូច នៅក្នុងកោសិកា។
- ជំរុញការផលិតកូឡាជែន។
- នោះហើយជាមូលហេតុដែលសារធាតុចម្រាញ់ពីគ្រាប់នេះត្រូវបានគេប្រើប្រាស់យ៉ាងទូលំទូលាយក្នុងឧស្សាហកម្មគ្រឿងសំអាងដើម្បី កាត់បន្ថយភាពជ្រីវជ្រួញ។
៣. ជំនួយដល់សុខភាពបេះដូងដ៏រឹងមាំ
គ្រាប់ឈូកសម្បូរទៅដោយ ម៉ាញ៉េស្យូម ដែលជាសារធាតុចិញ្ចឹមដ៏មានប្រយោជន៍ក្នុងការ កាត់បន្ថយហានិភ័យនៃជំងឺបេះដូង។ ម៉ាញ៉េស្យូមជួយ៖
- បង្កើនបរិមាណអុកស៊ីសែន ក្នុងខ្លួន។
- ជំរុញលំហូរឈាម និងសារធាតុចិញ្ចឹមឲ្យរត់បានល្អប្រសើរទៅកាន់បេះដូង និងរាងកាយ។
៤. មិត្តល្អបំផុតរបស់អ្នកជំងឺទឹកនោមផ្អែម
សម្រាប់អ្នកជំងឺទឹកនោមផ្អែម ការគ្រប់គ្រងជាតិស្ករគឺសំខាន់បំផុត។ គ្រាប់ឈូកអាចជួយបាន ព្រោះវា៖
- មានជាតិសរសៃខ្ពស់ និង កាឡូរីទាប។
- ជួយ រក្សាកម្រិតជាតិស្ករក្នុងឈាម ឲ្យស្ថិតក្នុងការត្រួតពិនិត្យ និងការពារការឡើងចុះជាតិស្ករភ្លាមៗ។
៥. ជួយការពារ និងប្រយុទ្ធប្រឆាំងជំងឺមហារីក
កុំមើលស្រាល! គ្រាប់ឈូកសម្បូរទៅដោយ សារធាតុប្រឆាំងអុកស៊ីតកម្ម ដូចជា Flavonoids និង Thiamine។ សារធាតុទាំងនេះមានតួនាទី៖
- ពង្រឹងប្រព័ន្ធការពាររាងកាយ។
- ប្រឆាំងនឹងការរលាក នៅក្នុងកោសិកា។
- អាចជួយ ការពារហានិភ័យនៃជំងឺរ៉ាំរ៉ៃ ដូចជាជំងឺមហារីក។
៦. ជួយឲ្យអ្នកគេងលក់ស្រួលជាងមុន
ប្រសិនបើអ្នកមានបញ្ហាគេងមិនលក់ គ្រាប់ឈូកអាចជាដំណោះស្រាយធម្មជាតិដ៏ល្អ។ លក្ខណៈសម្បត្តិរបស់វាជួយ បង្កើនចរន្តឈាម ក្នុងខ្លួន។ នៅពេលប្រព័ន្ធឈាមរត់ដំណើរការល្អ វានឹងជួយឲ្យ៖
- រាងកាយ និងខួរក្បាលមានអារម្មណ៍ធូរស្រាល។
- សម្រាកបានល្អ និង គេងលក់ស្រួល។
តើអ្នកចាប់ផ្តើមបន្ថែមគ្រាប់ឈូកទៅក្នុងរបបអាហារប្រចាំថ្ងៃរបស់អ្នកចាប់ពីពេលនេះហើយឬនៅ?
(ប្រភព៖ បរទេស)