រោគសញ្ញានៃជំងឺមហារីកច្រមុះមួយចំនួនដែលតម្រូវឲ្យអ្នកជំងឺមកពិគ្រោះជាមួយគ្រូពេទ្យជំនាញ

មន្ទីរពេទ្យកាល់ម៉ែតបានប្រកាសនាថ្ងៃទី១៥ ខែកញ្ញា ឆ្នាំ២០២៥នេះថា ជំងឺមហារីកច្រមុះ! ។ Nasopharyngeal Cancer ជាជំងឺមហារីកដែលកើតឡើងនៅផ្នែកខាងក្រោយច្រមុះ និងខាងលើបំពងក ដែលពាក្យបច្ចេកទេសឲ្យតំបន់នេះថា «Nasopharynx»។

១.រោគសញ្ញា៖

នៅដំណាក់កាលដំបូង ជំងឺមហារីកច្រមុះ ពុំស្ដែងនូវសញ្ញាអ្វីដែលគួរឲ្យកត់សំគាល់ទេ។ រោគសញ្ញាមួយចំនួនដែលតម្រូវឲ្យអ្នកជំងឺមកពិគ្រោះជាមួយគ្រូពេទ្យជំនាញ មានដូចខាងក្រោម៖

– មានឡើងកូនកណ្តុលនៅក

– ឈាមច្រមុះ

– តឹងច្រមុះភាគច្រើនមួយចំហៀង

– សណ្តាប់មានការធ្លាក់ចុះនៅត្រចៀកម្ខាង

– ហឹងត្រចៀក

– ឈឺក្បាល

២. មូលហេតុបង្ក៖

មូលហេតុបង្កឲ្យកើតជំងឺមហារីកច្រមុះ នៅមិនទាន់ដឹងពិតប្រាកដ ប៉ុន្តែមានកត្តាមួយចំនួនដែលជំរុញឲ្យកើតមានជំងឺនេះ ៖

– ទីតាំងភូមិសាស្រ្ត ដូចជា ប្រទេសចិនភាគខាងត្បូង ឬអាស៊ីខាងកើត

– ការបរិភោគអាហារដែលសម្បូរជាតិ Nitrosamine : អាហារដែលមានកម្រិតអំបិលខ្ពស់ ប្រលាក់ហាលឲ្យស្ងួតរួចអាំង (សាច់ ឬត្រី)

– អ្នកប្រកបរបរដែលទាក់ទងជាមួយឈើ-ជាងឈើ

– Epstein-Barr Virus

– ប្រវត្តិក្រុមគ្រួសារដែលកើតជំងឺនេះ(Nasopharyngeal Cancer)

មិនមានវិធានការសម្រាប់ការពារមិនឲ្យកើតជំងឺមហារីកច្រមុះទេ ប៉ុន្តែយើងអាចកាត់បន្ថយដោយកត្តាមួយចំនួន ដែលជំរុញឲ្យកើតជំងឺនេះ ដូចដែលបានរៀបរាប់ខាងលើ ។ ដូចនេះក្នុងនាមជាគ្រួពេទ្យជំនាញ អំពាវនាវដល់បងប្អូនទាំងអស់ ដែលមានប្រវត្តិឈាមច្រមុះ ឬតឹងច្រមុះជាប្រចាំ សូមអញ្ជើញមកទទួលការពិគ្រោះ ពិនិត្យ និងព្យាបាលឲ្យទាន់ពេលវេលា៕