ជំងឺរលាកសន្លាក់ហ្គោដ គឺជាការរលាកសន្លាក់មួយប្រភេទដែលកើតឡើងលើសន្លាក់ជាច្រើននៃរាងកាយ។ អាការៈញឹកញាប់បំផុតរបស់វា គឺសន្លាក់នៅម្រាមជើង និងប្រអប់ជើង។ ជំងឺរលាកសន្លាក់ហ្គោដបង្កឡើងដោយការលើសចំនួនអាស៊ីតអ៊ុយរិកក្នុងឈាម។ អាស៊ីតអ៊ុយរិកត្រូវបានបង្កើតឡើងនៅពេលសារធាតុមួយឈ្មោះថា Purines ត្រូវបានរំលាយ។ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)នៅពេលចំនួនអាស៊ីតអ៊ុយរិកក្នុងឈាមលើសកើត វាអាចនឹងកកកុញជាលក្ខណៈស្រួចៗក្នុងសន្លាក់ ដែលជាហេតុធ្វើឲ្យសន្លាក់ហើមឈឺខ្លាំង និងរលាក។ មានកត្តាច្រើនណាស់ដែលធ្វើឲ្យមនុស្សយើងមានជំងឺរលាកសន្លាក់ដូចជា ជំងឺទាក់ទងនឹងការរំលាយអាហារ ទម្លាប់របបអាហារដូចជាញ៉ាំគ្រឿងស្រវឹងច្រើន និងញ៉ាំអាហារមានជាតិ Purine ខ្ពស់ (សាច់ក្រហម និងគ្រឿងសមុទ្រប្រភេទសម្បក)។ ជាមួយគ្នានេះដែរ ទើបមានសំណួរមួយគេតែងតែសួរជាញឹកញាប់ថា តើអ្នកដែលញ៉ាំកាហ្វេច្រើនៗអាចជួយ ឬបង្កជំងឺរលាកសន្លាក់ហ្គោដដែរទេ?
មានហេតុផលតិចតួចដែរដែលនិយាយថា កាហ្វេមានប្រយោជន៍ក្នុងការការពារកុំឲ្យលើសអាស៊ីតអ៊ុយរិកក្នុងឈាម។ ដើម្បីយល់ដឹងអំពីមូលហេតុ យកល្អគួរតែស្វែងយល់អំពីថ្នាំសម្រាប់ព្យាបាលជំងឺរលាកសន្លាក់ហ្គោដសិន។ ថ្នាំព្យាបាលជំងឺនេះមានពីរប្រភេទដែលគ្រូពេទ្យចេញឲ្យប្រើប្រាស់៖
- Oxanthine Oxidase Inhibitors៖ មាននាទីទប់ស្កាត់សកម្មភាពរបស់ Xanthine Oxidase ដែលជាអង់ស៊ីមជួយដល់រាងកាយធ្វើការបំបែកសារធាតុ Purines ដើម្បីបង្កើតជាអាស៊ីតអ៊ុយរិក។ ដូច្នេះកាលណាអង់ស៊ីមនេះកាន់តែតិច អាស៊ីតអ៊ុយរិកក៏តិចដែរ។
- Uricosurics៖ មាននាទីជួយតម្រងនោមបញ្ចេញចោលអាស៊ីតអ៊ុយរិកដែលកំពុងតែលើសក្នុងឈាម។
ជាតិកាហ្វេអ៊ីនត្រូវបានគេចាត់ទុកថាជា Methyl Zanthine ដូច្នេះវាក៏ជួយបង្កើនប្រសិទ្ធភាពក្នុងការទប់ស្កាត់សកម្មភាពរបស់អង់ស៊ីម Xanthine Oxidase។ ថ្វីបើកាហ្វេអ៊ីនមិនត្រូវបានគេចាត់ទុកថាជា Uricosuric តែវាប្រហែលជាមានមុខងារស្រដៀងគ្នាដែរ។
តាមការស្រាវជ្រាវបានឲ្យដឹងថា Chlorogenic Acid ដែលជា Polyphenol ក្នុងកាហ្វេ ប្រហែលជាជួយពង្រឹងដល់ភាពស៊ាំរបស់អាំងស៊ុយលីន។ ការសិក្សាមួយបានរកឃើញថា អ្នកដែលមានចំនួនអាំងស៊ុយលីនច្រើនពេកក្នុងឈាម គឺមានការថយចុះការបញ្ចេញចោលទាំងសូដ្យូម និងអាស៊ីតអ៊ុយរិក តាមតម្រងនោម។(អាន:ថ្នាំងងុយគេង ពេលអ្នកគួរប្រើ) នៅពេលអាំងស៊ុយលីនថយចុះ ហើយភាពស៊ាំរបស់អាំងស៊ុយលីនកើនឡើងវិញ ការបញ្ចេញចោលរបស់សូដ្យូម និងអាស៊ីតអ៊ុយរិកតាមតម្រងនោមនឹងល្អវិញដែរ។
មិនមានការស្រាវជ្រាវគ្រប់គ្រាន់ឡើយដែលនិយាយថា កាហ្វេអាចជួយបង្កើនការប្រឈមនឹងជំងឺរលាកសន្លាក់ហ្គោដ។ ប៉ុន្តែ អ្នកស្រាវជ្រាវខ្លះជឿថា វាមិនមានអំណះអំណាងគ្រប់គ្រាន់ឡើយដែលចាត់ទុកការញ៉ាំកាហ្វេ អាចបន្ថយការប្រឈមនឹងជំងឺរលាកសន្លាក់ហ្គោដនោះ៕