ជំងឺស្ទះសរសៃឈាមបេះដូងត្រូវបានគេស្គាល់ថាជា “ឃាតករស្ងាត់បំផុត” (silent killer) ព្រោះវាអាចសម្លាប់ជីវិតមនុស្សបានយ៉ាងលឿនដោយមិនមានសញ្ញាច្បាស់លាស់។ ការយល់ដឹងពីកត្តាប្រឈមទាំងនេះអាចជួយអ្នកការពារខ្លួនបានទាន់ពេលវេលា។
តើនរណាខ្លះដែលប្រឈមនឹងជំងឺស្ទះសរសៃឈាមបេះដូង?
អ្នកអាចមានហានិភ័យខ្ពស់ប្រសិនបើអ្នកស្ថិតនៅក្នុងក្រុមមនុស្សខាងក្រោម៖
- អ្នកដែលមានអាយុច្រើន: អាយុកាន់តែច្រើន ហានិភ័យនៃជំងឺនេះក៏កាន់តែខ្ពស់។
- អ្នកលើសជាតិខ្លាញ់ និងលើសទម្ងន់: ជាតិខ្លាញ់អាក្រក់អាចកកស្ទះនៅក្នុងសរសៃឈាមបេះដូង។
- អ្នកជក់បារី: ការជក់បារីបំផ្លាញសរសៃឈាម និងបង្កើនហានិភ័យនៃការកកស្ទះ។
- អ្នកមានជំងឺលើសឈាម: សម្ពាធឈាមខ្ពស់អាចធ្វើឲ្យសរសៃឈាមខូច និងតឹងរ៉ឹង។
- អ្នកមានជំងឺទឹកនោមផ្អែម: ជំងឺទឹកនោមផ្អែមអាចបង្កើនហានិភ័យនៃជំងឺបេះដូងយ៉ាងខ្លាំង។
- អ្នកដែលមិនធ្វើលំហាត់ប្រាណ: ការអង្គុយយូរម៉ោង ឬការរស់នៅអសកម្ម ធ្វើឲ្យប្រព័ន្ធសរសៃឈាមបេះដូងមិនដំណើរការល្អ។
ហេតុអ្វីត្រូវទៅពិគ្រោះជាមួយគ្រូពេទ្យ?
ប្រសិនបើអ្នកមានកត្តាប្រឈមដូចរៀបរាប់ខាងលើ សូមកុំរង់ចាំឱ្យមានរោគសញ្ញា។ គ្រូពេទ្យឯកទេសជំងឺបេះដូងអាចជួយអ្នកស្វែងរកវិធីសាស្ត្រការពារ និងព្យាបាលឲ្យបានទាន់ពេលវេលា ដើម្បីកាត់បន្ថយហានិភ័យនៃការស្លាប់ និងពិការភាព។
ដើម្បីសុខភាពល្អ និងអាយុយឺនយូរ សូមពិគ្រោះជាមួយគ្រូពេទ្យឯកទេស៕
ប្រភព៖ មន្ទីរពេទ្យកាល់ម៉ែត