តើអ្នកមានទម្លាប់ញ៉ាំផ្លែឈើនៅពេលព្រឹកដើម្បីសុខភាពមែនទេ? ការពិតគឺថា ផ្លែឈើមួយចំនួនមិនមែនសុទ្ធតែល្អសម្រាប់ក្រពះរបស់អ្នកនោះទេ ជាពិសេសនៅពេលដែលអ្នកញ៉ាំវាពេលពោះទទេនៅពេលព្រឹក។ ការធ្វើបែបនេះអាចបណ្តាលឱ្យមានបញ្ហាក្រពះពោះវៀនដោយមិនដឹងខ្លួន។
១. ប៉េងប៉ោះ
ប៉េងប៉ោះត្រូវបានគេប្រើប្រាស់ច្រើនក្នុងសាឡាត់ពេលព្រឹក ប៉ុន្តែអ្នកជំនាញណែនាំថាមិនគួរញ៉ាំវានៅពេលពោះទទេឡើយ។ ប៉េងប៉ោះមានផ្ទុកសារធាតុ Pectin និង Tannic Acid ដែលអាចប្រតិកម្មជាមួយទឹកអាស៊ីតក្រពះ បង្កើតជាក្រួស ឬកំណក ដែលនាំឱ្យឈឺក្រពះ និងមិនស្រួលខ្លួន។
២. ក្រូច
ទោះបីជាទឹកក្រូច និងផ្លែក្រូចមានជីវជាតិច្រើនក៏ដោយ ក៏វាមិនស័ក្តិសមសម្រាប់អាហារពេលព្រឹកដែរ។ ផ្លែក្រូចមានជាតិស្ករ និងអាស៊ីតសរីរាង្គខ្ពស់។ ការញ៉ាំវានៅពេលពោះទទេនឹងធ្វើឱ្យរលាកស្រទាប់ក្រពះ បង្កើនជាតិអាស៊ីត និងអាចប៉ះពាល់ដល់ក្រពះរបស់អ្នក។
៣. ម្នាស់
ម្នាស់ជាផ្លែឈើសម្បូរជាតិទឹក និងជាតិសរសៃ ប៉ុន្តែវាអាចក្លាយជា “ជាតិពុល” ប្រសិនបើអ្នកញ៉ាំពេលឃ្លាន។ ការញ៉ាំម្នាស់នៅពេលពោះទទេអាចបណ្តាលឱ្យមានអាការៈចង់ក្អួត, ឈឺពោះ, វិលមុខ និងអាចមានប្រតិកម្មអាលែកហ្ស៊ីផងដែរ។
៤. ចេក
មនុស្សជាច្រើនគិតថាចេកល្អសម្រាប់អាហារពេលព្រឹក ប៉ុន្តែចេកមានជាតិម៉ាញ៉េស្យូមខ្ពស់។ ការញ៉ាំចេកច្រើននៅពេលពោះទទេអាចបង្កើនកម្រិតម៉ាញ៉េស្យូមក្នុងឈាមភ្លាមៗ ដែលនាំឱ្យអតុល្យភាពរវាងម៉ាញ៉េស្យូម និងកាល់ស្យូម។ នេះអាចប៉ះពាល់ដល់ប្រព័ន្ធសរសៃឈាមបេះដូង និងបណ្តាលឱ្យចង្អោរ ឬមិនស្រួលខ្លួន។
ដូច្នេះ មិនថាអ្នកឃ្លានខ្លាំងប៉ុណ្ណាក៏ដោយ សូមចៀសវាងផ្លែឈើទាំងនេះនៅពេលព្រឹក។ គួរញ៉ាំវាបន្ទាប់ពីបានញ៉ាំអាហារពេលព្រឹកផ្សេងរួចហើយ ដើម្បីការពារសុខភាពក្រពះរបស់អ្នក៕