របបអាហារដែលមានជាតិស្ករខ្ពស់ គឺជាកត្តាមួយក្នុងចំណោមកត្តាជាច្រើន ដែលធ្វើឱ្យប៉ះពាល់ដល់សុខភាព ។ ការបរិភោគជាតិស្ករច្រើនពេក អាចនាំឱ្យមានបញ្ហាសុខភាពធ្ងន់ធ្ងរដូចជា ជំងឺទឹកនោមផ្អែម ជំងឺធាត់ ជំងឺបេះដូង និងបញ្ហាផ្សេងៗជាច្រើនទៀត ។
ខាងក្រោមនេះ គឺជាបញ្ជីអាហារដែលមានជាតិស្ករខ្ពស់បំផុត ដែលអ្នកគួរកាត់បន្ថយ ៖
-ភេសជ្ជៈផ្អែម៖ ភេសជ្ជៈដូចជា ទឹកក្រូច កូកា ទឹកសូដា និងភេសជ្ជៈប៉ូវកម្លាំង សុទ្ធតែផ្ទុកទៅដោយជាតិស្ករខ្ពស់ ហើយមិនមានសារធាតុចិញ្ចឹមអ្វីទាំងអស់ ។ ឧទាហរណ៍ ក្នុងកំប៉ុងទឹកក្រូចសូដាមួយអាចមានជាតិស្កររហូតដល់១៥០ក្រាម។
-បង្អែម និងនំខេក ៖ អាហារទាំងនេះ ភាគច្រើនធ្វើឡើងពីស្ករ និងម្សៅ ដែលជាកត្តាធ្វើឱ្យកើនឡើងជាតិស្ករក្នុងឈាមយ៉ាងឆាប់រហ័ស ។
-ការ៉េម៖ ការ៉េមមានជាតិស្ករខ្ពស់ ។ ក្នុងមួយពែង អាចមានជាតិស្ករដល់ទៅ២០ ក្រាម។
-ផ្លែឈើក្រៀម ៖ ផ្លែឈើក្រៀមមានជាតិស្ករ និងកាឡូរីខ្ពស់ខ្លាំង ។ ជាឧទាហរណ៍ ផ្លែទំពាំងបាយជូរក្រៀម មានជាតិស្ករប្រហែល ២០ ក្រាមក្នុងមួយក្ដាប់ដៃ ។
-ទឹកផ្លែឈើដែលមានសារជាតិផ្អែម ៖ ភេសជ្ជៈទាំងនេះ ភាគច្រើនមានជាតិស្ករច្រើនជាងទឹកធម្មជាតិ ព្រោះគេបានបន្ថែមរសជាតិផ្អែមនៅពេលកែច្នៃ ។
-ទឹកដោះគោយ៉ាអួរមានរសជាតិផ្អែម ៖ ទោះបីជាយ៉ាអួរមានជាតិប្រូតេអ៊ីនខ្ពស់ ប៉ុន្តែទឹកដោះគោយ៉ាអួរដែលបន្ថែមរសជាតិផ្លែឈើអាចផ្ទុកជាតិស្ករបានច្រើន ។
-អាហារកំប៉ុង៖ អាហារកំប៉ុងជាច្រើនក៏មានបន្ថែមជាតិស្ករផងដែរ ដើម្បីឱ្យមានរសជាតិឆ្ងាញ់ ។
ប្រសិនបើអ្នកចង់ឱ្យសុខភាពល្អ អ្នកគួរកាត់បន្ថយការបរិភោគអាហារដែលមានជាតិស្ករខ្ពស់ទាំងអស់នេះ ហើយងាកមកបរិភោគអាហារដែលមានសារធាតុចិញ្ចឹមខ្ពស់ដូចជា បន្លែ ផ្លែឈើ និងសាច់ ដើម្បីឱ្យមានសុខភាពល្អ ៕