​ប្រយ័ត្ន! សញ្ញាទាំងនេះប្រាប់ថាថ្លើមអ្នកកំពុងមានបញ្ហាធ្ងន់ធ្ងរហើយ​

តើអ្នកធ្លាប់ចាប់អារម្មណ៍ឃើញស្បែក ឬភ្នែករបស់អ្នកឡើងលឿងដែរឬទេ? កុំមើលរំលង! នេះអាចជាសញ្ញាគ្រោះថ្នាក់មួយនៃ ជំងឺខាន់លឿង ដែលបង្ហាញថាថ្លើមរបស់អ្នកកំពុងមានបញ្ហា។ ការយល់ដឹងពីមូលហេតុនិងរោគសញ្ញានេះគឺសំខាន់ណាស់ ដើម្បីការពារខ្លួនអ្នកពីផលវិបាកធ្ងន់ធ្ងរ។

យោងតាមមន្ទីរពេទ្យកាល់ម៉ែត បានឱ្យដឹងថា មូលហេតុចម្បង
ជំងឺខាន់លឿងកើតឡើងនៅពេលសារធាតុ ប៊ីលីរុយប៊ីន (Bilirubin) នៅក្នុងរាងកាយកើនឡើងខ្ពស់។ វាកើតឡើងដោយសារហេតុផលធំៗ២៖

1. ថ្លើមមានបញ្ហា៖ ដូចជាការរលាកថ្លើម ក្រិនថ្លើម គ្រួសក្នុងថង់ទឹកប្រមាត់ មហារីកថ្លើម ឬលំពែង។
2. ការបែកគ្រាប់ឈាមក្រហម៖ ដែលធ្វើឲ្យថ្លើមពិបាកក្នុងការកម្ចាត់សារធាតុប៊ីលីរុយប៊ីន។

ចំណែករោគសញ្ញាគួរប្រយ័ត្ន៖
ក្រៅពីការឡើងលឿងនៅលើស្បែកនិងភ្នែក រោគសញ្ញាផ្សេងទៀតដែលអ្នកគួរកត់សម្គាល់មានដូចជា៖

• រមាស់ពេញខ្លួន
• លាមកមានពណ៌ស ឬស្លេក
• ទឹកនោមមានពណ៌លឿងចាស់
• ឈឺចុកចាប់ ត្រង់ចុងដង្ហើម ឬក្រោមឆ្អឹងជំនីរខាងស្ដាំ
• ក្តៅខ្លួន និងមានអារម្មណ៍អស់កម្លាំង

ប្រសិនបើអ្នកមានសញ្ញាទាំងនេះ សូមទៅជួបគ្រូពេទ្យជាបន្ទាន់។ ការព្យាបាលទាន់ពេលអាចជួយសង្គ្រោះថ្លើមរបស់អ្នក និងការពារអាយុជីវិត៕