ជំងឺមហារីកសុដន់គឺជាជំងឺដែលស្ត្រីគ្រប់រូបគួរតែយល់ដឹងដើម្បីអាចការពារ និងស្វែងរកការព្យាបាលទាន់ពេលវេលា។ យោងតាមប្រភពពីមន្ទីរពេទ្យកាល់ម៉ែត រោគសញ្ញាដែលគួរឱ្យកត់សម្គាល់មានដូចខាងក្រោម៖
- ការប្រែប្រួលទំហំ និងរាងសុដន់៖ សុដន់អាចមើលទៅធំ ឬតូចជាងធម្មតា ឬមានរាងខុសប្លែកពីមុន។
- ការឈឺចាប់នៅសុដន់៖ មានអារម្មណ៍ឈឺចាប់រុំារ៉ៃនៅសុដន់ ឬក្បាលសុដន់។
- ស្បែកសុដន់ប្រែប្រួល៖ ស្បែកសុដន់អាចប្រែជាក្រហម ហើម ឬមានរាងទ្រុឌទ្រោមដូចជាសំបកក្រូច។
- ការហូរចេញពីក្បាលសុដន់៖ មានឈាម ឬទឹករងៃហូរចេញពីក្បាលសុដន់ដោយមិនមែនបណ្តាលមកពីការបំបៅដោះកូន។
- មានដុំស្អិតក្នុងសុដន់៖ មានអារម្មណ៍ថាមានដុំតូច ឬដុំធំស្អិតៗនៅក្នុងសុដន់ ដែលពេលខ្លះមិនមានការឈឺចាប់នោះទេ។
- ក្បាលសុដន់លឹបចូលក្នុង៖ ក្បាលសុដន់ដែលធ្លាប់តែលយចេញ ស្រាប់តែលឹបចូលក្នុង។
- កូនកណ្តុរហើម៖ មានការហើមនៅតំបន់កូនកណ្តុរក្រោមក្លៀក។
ចំណុចសម្គាល់
ប្រសិនបើអ្នកមានរោគសញ្ញាណាមួយដូចបានរៀបរាប់ខាងលើនេះ សូមកុំបង្អង់យូរ។ ការណាត់ជួបជាមួយគ្រូពេទ្យជំនាញ ដើម្បីពិនិត្យនិងទទួលបានការព្យាបាលទាន់ពេលវេលា គឺជាវិធីសាស្ត្រល្អបំផុតក្នុងការការពារ និងព្យាបាលជំងឺនេះ៕