ជំងឺខ្សោយតម្រងនោមកម្រិតធ្ងន់គឺជាស្ថានភាពដែលតម្រងនោមបាត់បង់សមត្ថភាពក្នុងការច្រោះជាតិពុលពីក្នុងឈាម។ ដើម្បីការពារកុំឱ្យមានផលវិបាកធ្ងន់ធ្ងរដូចជា ឡើងសម្ពាធឈាម ហើមសួត ឬវិបត្តិបេះដូង អ្នកជំងឺត្រូវយកចិត្តទុកដាក់ខ្ពស់លើរបបអាហារក្រៅពីការប្រើប្រាស់ថ្នាំឱ្យបានទៀងទាត់។
យោងតាមន្ទីរពេទ្យកាល់ម៉ែត បានឱ្យដឹងថាអាហារដែលគួរទទួលទាន៖
- ទឹក៖ គួរផឹកទឹកស្អាតក្នុងបរិមាណសមល្មម ១,៥ ទៅ ៣ លីត្រក្នុងមួយថ្ងៃ។
- បាយ និង បន្លែឆ្អិន។
- សាច់៖ អាចបរិភោគសាច់ ត្រី មាន់ ឬទា ក្នុងកម្រិតសមល្មម។ ឧទាហរណ៍៖ អ្នកជំងឺដែលមានទម្ងន់ ៥០ គីឡូក្រាម អាចបរិភោគសាច់សរុបមិនលើសពី ១៥០ ក្រាម ក្នុងមួយថ្ងៃ។
ចំណុចសម្គាល់
សូមចងចាំថា ការប្រើថ្នាំតែមួយមុខមិនគ្រប់គ្រាន់ឡើយ។ ការទទួលទានអាហារត្រឹមត្រូវអាចជួយថែរក្សាសុខភាព និងកាត់បន្ថយគ្រោះថ្នាក់បានយ៉ាងមានប្រសិទ្ធភាព៕